सफेद मुसळीचे फायदे, वापर, मात्रा आणि सहप्रभाव - Safed Musli Benefits, Uses, Dosage and Side Effects in Marathi

आजच्या पिढीमधील तणावपूर्ण आणि द्रुतगतीच्या जीवनशैलींमुळे महिला आणि पुरुष दोघांमधील लैंगिक इच्छेची क्षती होणें सुलभ झाले आहे. कार्य करण्यासाठी भरपूर गोष्टी असतात आणि तुम्हाला माहीत होण्यापूर्वीच तणाव खूप अधिक होतो. लक्षणीय अभ्यासांचा दावा आहे की लैंगिक क्षमता कमी होणें जाणून केलेल्या निवडीपेक्षा एक मानसिक समस्या बनते. तथापी, तणाव हे एकमेव कारण नव्हे, कमी लैंगिक क्षमता असल्याने शरिरातील लैंगिक हार्मोंचे असंतुलनही होऊ शकतो. दिवसाच्या धाकधुकीत थकून गेलेल्या लोकांपैकी तुम्ही एक असल्यास किंवा लैंगिक हार्मोनच्या शरीरशास्त्रीय असंतुलनाचा त्रास तुम्हाला असल्यास, सफेद मुसळी तुमच्यासाठी आदर्श वनस्पती होऊ शकते. निम्न कामेच्छेवरील उपचारासाठी सफेद मुसळी एक सुप्रसिद्ध आयुर्वेदिक औषधी आहे. महिलांमध्ये कामेच्छा सुधारण्यात ती तेवढी प्रसिद्ध नसली, तरी दोन्ही लिंगांमध्ये एकप्रकारेच ती काम करते. संशोधनामध्ये, असे सुचवले जाते की या मुळाच्या वापराने शरिरातील टेस्टोस्टोरोन स्तर वाढण्यावर थेट प्रभाव होतो, जे महिला आणि पुरुषांमधील कामेच्छेसाठी जवाबदार घटकांपैकी एक आहे.

आयुर्वेदामध्ये, सफेद मुसळी पुरुषांच्या सर्वांगीण लैंगिक आरोग्याचे सुधार आणि प्रबंधनासाठी ख्यातनाम आहे. ती आयुर्वेदाच्या वाजीकरण चिकित्सेमध्ये वापरली जाणारी प्रमुख वनस्पती असून, ही पद्धती आयुर्वेदामध्ये न केवळ लैंगिक शक्ती तर संततीचे आरोग्य आणि गुणवत्ता निश्चित करण्यातही खूप साहाय्य करते.

आधुनिक विज्ञानाला या आश्चर्याची माहिती खूप वेळ नसेल, पण पाश्चात्य औषधीय व्यवस्थाही मानवी शरिरावरील जैवरसायनिक आणि शरीरशास्त्रीय प्रभावांची चांगली माहिती आहे. सफेद मुसळीच्या जल घुलनशील सारावर घेतलेल्या हल्लीच्या अभ्यासामध्ये, शुक्राणूंची संख्या, वीर्यपातळी आणि टेस्टोस्टोरोन वाढवण्यात त्याचे लक्षणीय प्रभाव दिसून आले आहे. तथापी, त्याच्या वास्तविक कार्यपद्धतीबद्दल बरीचशी माहिती नाही. हे सुचवले जाते की सफेद मुसळीमध्ये रासायनिक यौगिके असतात, जे पुरुषांमधील सर्वांगीण लैंगिक आरोग्य सुधरण्यात एक संप्रेरक म्हणून कार्य करते.

सफेद मुसळीचे वापर पुरुषांमधील स्तंभनदोषावर उपचार करण्यात खूप प्रभावी मानली जाते. आयुर्वेदाप्रमाणें, ती न केवळ स्तंभनदोषासाठी चांगली आहे, तर खूप वेळ स्तंभन राखून ठेवण्यातही मदत करते. असा विश्वास आहे की शरिरातील विशिष्ट मार्गिकेचे नियंत्रण करण्याद्वारे (रो किनेझ 2) ती असे करते, जी इतर वेळा जननेंद्रियाला रक्ताभिसरण कमी करते. तरी, शरिरावर त्याचे कार्य आणि भूमिकेच्या अधिक विस्तृत यंत्रणा प्राप्त करण्यासाठी अभ्यास प्रगतीपथावर आहेत.

पुरुषी लैंगिक आणि शरीरशास्त्रीय कार्यांसाठी सफेद मुसळीबद्दल खूप माहिती उपलब्ध आहे, पण ती संपूर्णपणें पुरुषावर लक्षित वनस्पती नव्हे. नियमितपणें सफेद मुसळी घेतल्याने महिलांनाही काही उपयोगी लाभ होतात. मग, ती एक शक्तिशाली एडेप्टोजेन आहे ज्याचे अर्थ ती तणाव कमी करते, जी पुरुषांसारखी महिलांमध्येही एक समस्या आहे. आणि शेवटी, सफेद मुसळीमध्ये खूप पोषक गुणधर्म असतात, जे शरिराची ताकद वाढवण्यासाठी खूप लाभकारक आहे. सफेद मुसळी खाल्याने लवकर वयवाढ होण्याची शक्यता कमी होते आणी एकूण शरिराची स्थिती सुधारते. सफेद मुसळी खूप चांगली हार्मोन नियामकही आहे, त्याने एस्ट्रोजेनसारख्या महिला हार्मोनमध्येही संतुलन निर्माण होते. ही वनस्पती नियमित वापरल्याने महिलांचे मासिक धर्म ही नियामित होण्याचे दिसून आले आहे.

भारतात सफेद मुसळीवर झालेल्या हल्लीच्या अभ्यासांचा दावा आहे की सफेद मुसळी प्रकार 2 मधुमेहापासून ग्रस्त असलेल्या लोकांना खूप लाभप्रद आहे. तरी, आयुर्वेदिक वैद्यांनुसार, लोकांनी योग्य मात्रेत घेतल्यानेच सफेद मुसळी प्रभावी होते. ते घेण्यापूर्वी तुमच्या डॉक्टरांचा सल्ला घ्या.

सफेद मुसळीमुळे उच्च घनत्त्वाची वसा ( चांगली वसा) वाढून शरिरातील कमी घनत्वाच्या वसेचे प्रमाण कमी होते. . उच्च घनत्वाची वसामुळे यकॄत शरिरातील कॉलेस्टरॉल काढून टाकते आणि शरिरातील सर्वांगीण कॉलेस्टरॉल कमी होते. यामुळे, प्लाक ( आर्टरीमधील वसा संचय) बनण्याची शक्यता कमी होते आणि हृदयाच्या समस्या आणि हृदयविकाराच्या झटक्यांचा धोका खूप कमी होतो.

 (अधिक वाचा: अधिक कॉलेस्टरॉलवर उपचार)

 वेळेपूर्वी वीर्यपतन एक परिस्थिती आहे, ज्यामध्ये व्यक्ती अधिक वेळ स्तंभन राखून ठेवण्यात सक्षम होत नाही आणि योनीमध्ये प्रवेश होण्यापूर्वी किंवा झाल्यानंतर लगेच वीर्यपात होतो. या परिस्थितीचे वास्तविक कारण माहीत नसले, तरी असा अंदाज आहे की तणाव, अशक्तता आणि हार्मोन असंतुलन किंवा कामेच्छा कमी असणेंसुद्धा या परिस्थितीला जवाबदार असतात. तरी, सफेद मुसळी एफ्रोडिझिअक असल्याने न केवल टेस्टोस्टोरोनचे (पुरुष लैंगिक हार्मोन) स्तर वाढवते, तर तणावनाशक म्हणून ही कार्य करते आणि त्यामुळे तुम्हाला स्तंभन आणि नंतर वीर्यपतन प्राप्त करता येते. आयुर्वेदिक वैद्य म्हणतात की स्तंभनदोष शरिरातील वात आणि पित्त दोषांच्या असंतुलनामुळे निर्माण होतो. सफेद मुसळी या दोन दोषांमध्ये संतुलन आणून शांत करते, यामुळे स्तंभनदोषाच्या समस्या सोडवल्या जातात.

सफेद मुसळी एक प्रख्यात दाहशामक वनस्पती आहे आणि त्याच्या लाभांसाठी आयुर्वेदामध्ये वापरले जात आहे. संधिवात असलेल्या रुग्णांमध्ये सांध्यांचे दाह कमी करण्यात ती खूप प्रभावी अशी आढळून आली आहे. आयुर्वेदामध्ये, सफेद मुसळीने संधिवातातील रुग्णांमधील सिनोव्हिअल फ्लुइड (सांध्यांतील तरळ पदार्थ) वाढते, असा विश्वास आहे. अशाप्रकारे, सांध्यांना अधिक स्निग्धता मिळते आणि या सांध्यांमधील झीज कमी होते. संधिवातरोधी उपचारामध्ये या वनस्पतीला सामील करण्यासाठी लक्षणीय संशोधन सुरू आहे.

सफेद मुसळी एक प्रख्यात गॅलॅक्टोगॉग आहे, म्हणजेच स्तनपान करवणार्र्या मातांमध्ये दूध उत्पादन वाढवण्यात मदत करते. तसेच, त्याचे पोषक प्रभाव नवीन मातांची शिशुजन्मानंतरच्या कमतरतांना हाताळून चांगले आरोग्य प्रदान करतात. तरीही, तुम्ही आयुर्वेदिक वैद्याचा सल्ला घेऊनच सफेद मुसळी घेतली पाहिजे.

 (अधिक वाचा: स्तनापान देणार्र्या मातांचे आहार)

सफेद मुसळीच्या पोषक आणि एडेप्टोजेनिक गुणधर्म त्याला वजन वाढवण्यासाठी एक उत्कृष्ट प्राकृतिक पर्याय बनवतात. वास्तविक पाहता, अनेक शरीरसौष्ठव पूरक तत्वांमध्ये सफेद मुसळी त्याची घटक असली पाहिजे. आयुर्वेदिक वैद्य पोषक आणि शरीरसौष्ठव पैलूंचा आनंद घेण्यासाठी 2-3 महिने नियमित सफेद मुसळी घेण्याचा सल्ला देतात. तसेच, ती प्रतिकारप्रणालीसाठी खूप चांगली आहे, म्हणजेच तुमच्या शरिराला संक्रमण विरुद्ध लढण्यास त्वरित आणि अधिक प्रभावीपणें मदत करतात व तंतूना झालेल्या क्षतीची दुरुस्ती करतात.

 (अधिक वाचा: वजन वाढण्यासाठी आहार तालिका)

तुम्हाला संक्रमणे सहज जडतात का? सर्वांत सामान्य संक्रमणांविरुद्ध अधिक शक्तिशाली नसल्यामुळे तुम्ही सतत तुमच्या शरिराला शिव्या देता का? हे तुमच्या शरिराच्या अशक्त प्रतिकारप्रणालीमुळे असू शकते. जसे की तुम्हाला माहीतच आहे, शरिराची प्रतिकारप्रणाली रोगांविरुद्ध सुरक्षेची प्रमुख ओळ असते. तिच्यामुळे तुमच्या शरिरांचे संक्रमणाविरुद्ध रक्षण होते, पण अशक्त किंवा हळू झालेल्या प्रतिकारप्रणालीने तुम्ही एक निरोगी शरिराच्या आवश्यकतांची पूर्तता करू शकत नाही. चांगली बातमी ही की उपाय खूप लांब नाही. सफेद मुसळीमुळे शरिराची सर्वांगीण प्रतिकार प्रतिक्रिया सुधारते आणि तुम्हाला सहज नवीन संक्रमणे जडत नाहीत. अभ्यासांमध्ये दिसून आले आहे की सफेद मुसळीच्या एथनॉलिक सार खूप प्रभावी इम्युनोमॉड्युलेटर आहेत, म्हणजेच सफेद मुसळी विविध रोगांविरुद्ध शरिराचे प्रतिकार प्रतिसाद सुधारण्यास मदत करते. त्याच अभ्यासामध्ये, असा दावा केला गेला होता की सफेद मुसळी न केवळ सामान्य प्रतिकारामध्ये सुधारणा करण्यास मदत करते, तर रोगकारक पदार्थ नष्ट करण्याची प्रतिकारप्रणालीची क्षमताही सुधारते.

 (अधिक वाचा: प्रतिकारास चालना देणारे अन्न)

सफेद मुसळीमध्ये विशिष्ट पॉलिसॅक्राइड असल्याचे सांगितले जाते, ज्यांचे त्वचेवर संप्रेरक प्रभाव होते. भारतात झालेल्या एका संशोधनाचा दावा आहे की सफेद मुसळी शरिरातील काही चयापचय प्रतिक्रियांना सक्रिय करते, जे त्वचेतील आर्द्रता सामग्री सुधारते आणि त्वचेला मऊ आणि स्वच्छ बनवते. तरीही, त्वचेत सुधार करण्याच्या कोणत्याही रूपामध्ये सफेद मुसळी वापरण्यापूर्वी आयुर्वेदिक वैद्याचा सल्ला घेतला पाहिजे.