Download App
పసుపు అనేది అల్లo యొక్క జాతికి సంబంధించినది. దక్షిణ ఆసియాలోని ఉష్ణమండల ప్రాంతాల్లో పెరుగుతున్న కర్కుమా లోంగా మొక్క యొక్క వేరు నుండి లభించే సుగంధ ద్రవ్యం. మొక్క యొక్క వేర్లు బల్బుల ఆకారంలో ఉంటాయి, ఇవి మూలవేరుని ఉత్పత్తి చేస్తాయి. ఇవి కాల్చబడి, ఎండబెట్టి ఆపై హాల్ది అని పిలువబడే పసుపు పొడిగా చూర్ణం చేయబడతాయి.
600 బి.సి. నాడు పసుపు ఒక రంగు కోసం మరియు అద్దకంగాను వాడబడేది. శ్వాస సమస్యలు, కీళ్ళవాతం, శరీర నొప్పి, మరియు అలసట వంటి వివిధ పరిస్థితులు కోసం ఆయుర్వేద మూలికా ఔషధాలను ఉపయోగించే భారతదేశంలో పసుపు ఒక దీర్ఘ ఔషధ చరిత్ర కలిగి ఉంది. ఇది దుస్తులను అద్దడానికి కూడా ఉపయోగించబడుతుంది. వాస్తవానికి, మార్కో పోలో 1280 లో చైనాకు ప్రయాణించినప్పుడు ఆయన పసుపును కుంకుమ పువ్వుతో పోల్చినట్లు తన నివేదికలను బట్టి తెలుస్తుంది. మధ్యయుగ ఐరోపాలో, పసుపును "ఇండియన్ కుంకుమ పువ్వు" అని అంటారు.
పసుపు ఒక మిరియాల చేదు రుచిని కలిగి ఉంటుంది మరియు కొన్నిసార్లు కలరింగ్ ఏజెంట్గా వాడబడుతుంది. ఇది నిల్వ ఉత్పత్తులు, బేకరీ ఉత్పత్తులు, పాడి, రసాలు మరియు ఇతర ఆహార ఉత్పత్తులలో ఉపయోగించబడుతుంది. పసుపు మొక్క యొక్క ఆకులు కూడా వంటకాల తయారీ మరియు ప్యాకింగ్ కోసం ఉపయోగించబడతాయి. ఈ ఆకులు ఆహారంలో వేరే రుచిని అందిస్తాయి.
పసుపు కూడా ఒక అద్భుతం మసాలా కానీ పాలలో కలిపినప్పుడు, దాని ప్రయోజనాలు రెట్టింపు అవుతాయి. పసుపులో కరిగే కర్సిమిన్ అని పిలువబడే రసాయన సమ్మేళనంతో పసుపు తయారు చేయబడుతుంది. ఒక చెంచా పసుపు పొడికి వేడి పాలు కలిపి పసుపు ముద్ద తయారు చేయబడుతుంది.
ప్రపంచంలోనే భారతదేశం ఒక అతి పెద్ద ఉత్పత్తిదారు, వినియోగదారు మరియు ఎగుమతిదారు. ఇందులో ఉన్న అధిక కర్సినిన్ వలన ప్రపంచంలోని ఉత్తమ ఉత్పత్తులలో ఒకటిగా భావించబడుతుంది. ప్రపంచ మొత్తం పసుపు ఉత్పత్తిలో 80% భారతదేశంలో లభిస్తుంది.
పసుపు గురించి కొన్ని ప్రాథమిక వాస్తవాలు
- బొటానికల్ పేరు: కుర్కుమా లోంగా
- కుటుంబo: పసుపురంగు జింజిబరేసియా అనే అల్లం కుటుంబానికి చెందినది
- సాధారణ పేరు: పసుపు, హల్ది (హిందీ)
- సంస్కృత పేరు: హరిద్రా
- వాడిన భాగాలు: వేర్లు లేదా రైజోమ్లు వైద్యంలో మరియు ఆహారంలో ఉపయోగించబడతాయి
- స్థానిక ప్రాంతం మరియు భౌగోళిక పంపిణీ: భారతదేశం, ఇండోనేషియా, చైనా, ఫిలిప్పీన్స్, తైవాన్, హైతీ, జమైకా, శ్రీలంక, మరియు పెరూ దేశాలలో పసుపు లభిస్తుంది అయితే ఇది దక్షిణాసియాలో ఎక్కువగా సాగు చేయబడుతుంది.
- ఆసక్తికరమైన వాస్తవాలు: కర్కుమా లాంగ్ అనే పేరు అరబిక్ పేరు అయిన కర్కుమ్ మొక్క నుండి వచ్చింది. దీనిని జియాంగ్ హుయాంగ్ అని చైనీస్లో అంటారు.
Share & Earn
