అరటి పండు ప్రయోజనాలు మరియు దుష్ప్రభావాలు - Benefits and side effects of Banana in Telugu

కుంగుబాటుతో బాధపడుతున్న వ్యక్తులపై నిర్వహించిన క్లినికల్ అధ్యయనంలో , అరటి యొక్క వినియోగం మానసిక వేదననుతగ్గించి చిత్తవృత్తిని (మూడ్ను) పెంచుకునేందుకు సహాయపడిందని, వారికి మంచి అనుభూతిని కలిగించిందని తెలిసింది. అరటిపండు లో ట్రిప్టోఫాన్ అని పిలువబడే ప్రోటీన్ రకం ఉంది, దీన్ని శరీరం సెరోటోనిన్గా మార్చుకుంటుంది. మానసిక స్థితి మెరుగుపర్చడానికి, మనసును సడలించడానికి మరియు సాధారణంగా సంతోషంగా అనుభూతి చెందడానికి సెరోటోనిన్ బాధ్యత వహిస్తుంది.

అరటిపండ్లు పోషకాలకు నిలయం. అరటిలో విటమిన్ B6, విటమిన్ సి, పొటాషియం, ఇనుము, ఫైబర్ మరియు మెగ్నీషియం ఉన్నాయి. అరటిని రోజూ సేవించడంవల్ల సిఫార్సు చేసిన 25% విటమిన్ B6 యొక్క (సిఫార్స్) రోజువారీ భత్యం (RDA)మన శరీరానికి లభిస్తుంది. విటమిన్ B6 ఓ రోగనిరోధకతను పెంచే బలవర్ధకంగా (బూస్టర్గా) పనిచేస్తుంది మరియు ఎర్ర రక్త కణాలు మరియు ప్రతిరోధకాలను ఉత్పత్తి చేస్తుందిది. ఇది కొవ్వుల జీవక్రియలో సహాయపడుతుంది. ఇది సంక్రమణ వ్యాధులకు వ్యతిరేకంగా మన శరీరానికి రక్షణ కల్పిస్తుంది. సగటు పరిమాణంలో ఉండే ఒక అరటిపండు తినడంవల్ల బలమైన ప్రతిక్షకారిని, విటమిన్ సి ల యొక్క 15% సిఫార్స్ చేయబడిన రోజువారీ భత్యం మనకు లభిస్తుంది.

అరటి రక్తంలో కొవ్వును(రక్త కొలెస్ట్రాల్ ను) తగ్గిస్తుంది, ఎందుకంటే ఈ పండులో రక్తంలో కొవ్వును తగ్గించే సామర్థ్యం చాలా  ఎక్కువగా ఉంది. అరటిలో ఆహార-పీచుపదార్థం ఉండడంవల్లనే దీనికి రక్తంలో కొవ్వును తగ్గించే ప్రభావం ఒనగూడింది. ఈ పీచుపదార్థం అరటి మాగినపుడు కూడా నిరంతరంగా ఉంటుంది మరియు ఈ రక్తంలో కొవ్వును తగ్గించే ప్రయోజనాన్ని అరటి ఉత్తమంగా నిర్వహిస్తుంది. అరటిలో ఆహార పీచుపదార్థం దండిగా ఉండటంవల్ల చెడు కొవ్వును (low-density lipoprotein-LDL) నియంత్రించడంలో సహాయపడుతుంది.

మత్తుపానీయాల్ని ఒక రాత్రి భారీగా సేవించాక, ఆ దుష్ప్రభావంవల్ల శరీరంలో అవసరమైన ద్రవాలు తగ్గిపోతాయి, అటుపైన శరీరంలో నిర్జలీకరణమేర్పడుతుంది. అరటిపండ్లు ముఖ్యమైన పోషకాలైన ఎలెక్ట్రోలైట్స్, పొటాషియం మరియు మెగ్నీషియంతో సమృద్ధంగా ఉంటాయి. మత్తుపానీయసేవనంతో ఏర్పడ్డ దుష్ప్రభావానికి (హ్యాంగోవర్) వేగవంతమైన మరియు ఉత్తమ పరిష్కారం రోజూ అరటిపండు, పాలు మరియు తేనెతో కలిపిన మిశ్రమాన్ని(cocktail) తీసుకోవడం. కడుపులో ఏర్పడే సమస్యలను ఉపశమింపజేయడంలో అరటిపండు చాలా ప్రభావవంతమైనది మరియు శరీరం కోల్పోయిన ద్రవాన్ని తిరిగి నింపడంలో అరటిపండు బాగా సహాయపడుతుంది. తేనె మరియు అరటి కలిసి శరీరానికి కావలసిన తక్షణ శక్తిని అందిస్తాయి మరియు రక్తంలో చక్కెర స్థాయిలను పెంచుతాయి.

సాధారణ రక్తపోటు మరియు హృదయ క్రియాశీలతను నిర్వహించడానికి పొటాషియం చాలా ముఖ్యం. అలాంటి పొటాషియం అరటిపండులో చాలా పుష్కలంగా ఉంటుంది. పొటాషియం శరీరం యొక్క కండరకణాల్లో సాధారణ ద్రవం మరియు ఎలక్ట్రోలైట్ సంతులనాన్ని నిర్వహించడానికి సహాయపడుతుంది. ఓ మధ్యరకం పరిమాణంలో ఉన్న అరటి పండు నుండి 350 ఎం.జి. ల పొటాషియంను పొందవచ్చు. అరటిలో ఉన్న సహజ సమ్మేళనాలు రక్తపోటుకు పనిచేసే మందుల్లాగా అంటే రక్తపోటును తగ్గించే మందుల్లాగా (యాంటీ-హైపర్టెన్సివ్ ఔషధాల లాగా) పనిచేస్తాయని శాస్త్రవేత్తలు నివేదించారు. రోజువారీగా రెండు అరటి పండ్లను ఓవారంపాటు తిన్నవారిలో రక్తపోటు పది శాతం పడిపోయిందని అధ్యయనాలు సూచిస్తున్నాయి.

అరటిపండు తమ శిశువులకు ఉత్తమ ఘనరూప ఆహారంగా ఉన్నందున, బిడ్డతల్లులు ఈ పండును నమ్మవచ్చు. బాగా పండిన అరటిపండు యొక్క గుజ్జు చాలా సులభమైన మరియు ఆరోగ్యకరమైన శిశు ఆహారం. అరటిపండ్లు సులభంగా జీర్ణమవుతాయి మరియు కడుపులో ఎలాంటి అలెర్జీ ప్రతిచర్యలను కలిగించవు. అరటి బ్రాట్ (BRAT-Bananas, Rice, Applesauce, Toast) ఆహారం అని పిలువబడే ఆహారం యొక్క ప్రధాన భాగం. ఈ బ్రాట్ ఆహారాన్ని జీర్ణశయాంతర సమస్యల నుండి కోలుకుంటున్న పిల్లలకు, ముఖ్యంగా అతిసారంవ్యాధి నుండి కోలుకుంటున్న శుశువులకు సిఫార్సు చేయబడుతుంది. ఇటీవల పరిశోధన ప్రకారం శిశువులకు అరటిపండ్లను తినిపించడంవల్ల శ్వాససంబంధ వ్యాధులకు  గురికాకుండా రక్షింపబడతారు.

పొటాషియంతో సమృద్ధిగా ఉన్న అరటిపండు , మూత్రపిండాల మొత్తం పనితీరును ప్రోత్సహిస్తుంది. ఆహారంలో పొటాషియంను సాధారణంగా తీసుకోవడంవల్ల మూత్రంలో కాల్షియం విసర్జింపబడకుండా చేసి తరువాత మూత్రపిండాల్లో రాళ్ళు ఏర్పడే ప్రమాదాన్ని తగ్గిస్తుంది. ఆసక్తికరంగా, నెలకు కనీసం 2.5 సార్లు పండ్లు మరియు కూరగాయలను తినే మహిళలకు మూత్రపిండాల క్యాన్సర్ వచ్చే ప్రమాదం 40% తక్కువ ఉన్నట్లు కనుగొనబడింది. వారానికి కనీసం నాలుగు నుండి ఆరు సార్లు అరటిని తినేందుకు  ఇష్టపడే మహిళల్లో, అసలు అరటిని తినడానికి ఇష్టపడనివారితో పోలిస్తే, దాదాపు 50% వరకు మూత్రపిండాల క్యాన్సర్ వ్యాధి వచ్చే ప్రమాదాన్ని తగ్గించవచ్చు అని కనుక్కోబడింది.

కార్నెల్ విశ్వవిద్యాలయ పరిశోధకులు, అరటిలోని పదార్ధాలు న్యూరోటాక్సిసిటీని నివారించవచ్చని కనుగొన్నారు. యాపిల్, అరటిపండ్లు మరియు నారింజ వంటి పండ్లు ఫినోలిక్ ఫైటో కెమికల్స్ను కలిగి ఉంటాయి. ఈ పండ్లను  ఇతర పండ్లతో కూడిన మన రోజువారీ ఆహారంలో చేర్చినట్లయితే, ఒత్తిడి-ప్రేరిత ఆక్సీకరణ న్యూరోటాక్సిసిటీ నుండి నాడీ కణాలను అవి రక్షిస్తాయని ఈ ఫలితాలు చూపించాయి. అల్జీమర్స్ వ్యాధి వంటి నరోడెజెనరేటివ్ రుగ్మతల ప్రమాదాన్ని తగ్గించడంలో అరటి కీలక పాత్ర పోషిస్తుంది.

అరటి పండ్లలో  జీర్ణరహిత పీచుపదార్థాలు (సెల్యులోజ్, ఆల్ఫా-గ్లూకాన్స్ మరియు హెమిసెల్యూలోస్ వంటివి) సమృద్ధిగా ఉంటాయి. ఇటువంటి పీచుపదార్థాలు (ఫైబర్) సాధారణ ప్రేగుపనితీరును నిర్వహించడంలో లేదా జీర్ణక్రియను పునరుద్ధరించడంలో సహాయపడుతుంది, అందువలన అరటి మలబద్ధకం మరియు అతిసారం రెండింటిని అరికట్టడంలో సహాయం చేస్తుంది. క్రమమైన ప్రేగు కదలికలకు పెద్ద మొత్తంలో నీటిని పీల్చుకునే పెద్దప్రేగు యొక్క సామర్ధ్యాన్ని సాధారణీకరించడంలో అరటి క్రియాశీలకంగా పనిచేస్తుంది. పెక్టిన్ ను పుష్కలంగా కల్గిన అరటిపండు ఆరోగ్యానికి ఉపయోగకరంగా ఉంటుంది. పెక్టిన్  అనేది నీటిని బాగా పీల్చుకునే పదార్ధం, అందువల్ల ఇది పేగులకు పెద్ద మొత్తాన్ని ఉత్పత్తి చేసే సామర్ధ్యం ఇస్తుంది.

అరటిపండు ఫెర్క్టులిగోసక్చరైడ్ (fructooligosaccharide) అని పిలువబడే కార్బోహైడ్రేట్ యొక్క అనూహ్యమైన గొప్ప మూలం. ఈ సమ్మేళనం కడుపు యొక్క పెద్దప్రేగులో మనకు మేలుచేసే స్నేహపూరిత బాక్టీరియాకు పోషణను అందిస్తుంది. ఈ ప్రయోజనకరమైన బ్యాక్టీరియా విటమిన్లు మరియు జీర్ణ ఎంజైమ్లను ఉత్పత్తి చేయడంలో నైపుణ్యం కలిగిస్తుంది, ఇవి పోషకాలు మరియు సమ్మేళనాలను గ్రహించే కడుపు సామర్థ్యాన్ని మెరుగుపరుస్తాయి, ఇవి ప్రతికూలమైన సూక్ష్మజీవులపై మనల్ని కాపాడతాయి. అటువంటి రక్షిత బ్యాక్టీరియా ద్వారా ఫ్యూక్టులైగోసక్చరైడ్స్ పులియబెట్టినప్పుడు, ప్రోబైయటిక్ బాక్టీరియా పెరుగుదలను మాత్రమే కాకుండా, ఇది కాల్షియంను గ్రహించే శరీర సామర్థ్యాన్ని కూడా పెంచుతుంది, ఇది మన ఎముకల కోసం ఒక ముఖ్యమైన ఖనిజం.

శరీరంలో పొటాషియం స్థాయి తగ్గడం వలన స్ట్రోక్ ప్రమాదాన్ని పెంచుతుంది . 65 ఏళ్ళకు పైబడ్డ వయసున్న 5,600 మందిపై నిర్వహించిన ఇటీవలి ఓ వైద్య  అధ్యయనంలో, పొటాషియం తక్కువగా సేవిస్తున్నవారికి స్ట్రోక్ను వచ్చే ప్రమాదం 50% ఎక్కువగా ఉంటుందని కనుక్కోబడింది. స్ట్రాక్ ప్రమాదాన్నిఅరటి వంటి పొటాషియం అధికంగా ఉండే ఆహారాల్ని తినడం ద్వారా తగ్గించవచ్చు, కానీ ఈ విషయాన్ని నిర్ధారించేందుకు  అధ్యయనాలు మరింతగా జరగాల్సి ఉంది..

అంతేకాకుండా, అరటి అనామ్లజనకాలకు నిలయం. అనామ్లజనకాలు స్వేచ్ఛా రాశులు కల్గించే  నష్టాన్ని మరియు గుండె కండరాలపై ఆక్సిడెటివ్ ఒత్తిడిని తగ్గించే చురుకైన సమ్మేళనాలు. ఇది హృదయ వ్యాధులను నివారించడంలో మరియు మీ గుండె పనితీరును వాంఛనీయంగా ఉంచడంలో సహాయపడుతుంది.

అరటిలో పీచుపదార్థాలతో బాటు సుక్రోజ్, ఫ్రూక్టోజ్ మరియు గ్లూకోజ్ లనబడే మూడు చక్కెరలుంటాయి, ఇవి మనకు తక్షణ శక్తిని ఇస్తాయి. అందువల్ల, అలసట కలిగినప్పుడల్లా మీ శక్తిని పెంచడానికి ఒక అరటిను తినండి. నిజానికి, అరటికి అధిక శక్తిని ప్రసాదించే సామర్థ్యం ఉండడం వల్లనే క్రీడాకారులు మొదటగా ఈ పండుని ఎంపికచేసుకుంటారు.