வைட்டமின் ஏ நன்மைகள், ஆதாரங்கள், மருந்து அளவு மற்றும் பக்க விளைவுகள் - Vitamin A Benefits, Sources, Dosage & Side Effects in Tamil

ஏற்கெனவே குறிப்பிட்டபடி, சரியான கண்பார்வைக்கு வைட்டமின் ஏ அவசியம். அதன் குறைபாட்டால் பல்வேறு கண் தொடர்பான பிரச்சனைகள் ஏற்படுகிறது, குறிப்பாக இரவில் மங்களான கண் பார்வை மற்றும் கண்களில் வறட்சியை ஏற்படுத்துகிறது. வைட்டமின் ஏ கரோட்டினாய்டுகளால் தயாரிக்கப்படுகிறது, இவை அவற்றின் ஆக்ஸிஜனேற்ற செயல்பாடுகள் மற்றும் பாதுகாப்பு செயல்பாடுகளால் அறியப்படுகின்றன.

நமக்கு வயதாகும்போது, உயிரியல் ஆக்சிஜனேற்றத்தின் விளைவுகள் அதிகமாகிறது, அதனால் கண்பார்வை பாதிக்கப்படுகிறது. வைட்டமின் வழங்கி மருந்துகள் வயது தொடர்பான தசைச்சீர்கேடுகளை (மெதுவாக குருட்டுத்தன்மை நோயை அதிகப்படுத்துவது) குறைக்கப் பயன்படுகிறது. இது ஒரு முதிர்ந்த வயதில் கூட நல்ல பார்வையை பராமரிக்க உதவுகிறது. கரோட்டினாய்டுகள் நிறைந்த உணவுகள் அடங்கிய உணவுப் பழக்கம், வைட்டமின் ஏ வழங்கி மருந்துகளை விட மிகவும் பயனுள்ளதாக இருக்கும்.

முதிற்சியடையும் வயதினறைத் தவிர, வைட்டமின் ஏ அனைத்து வயதினரின்பார்வைக்குமான பயனுள்ள விளைவுகளை கொண்டதாக அறியப்படுகிறது. இது பார்வை இழப்புக்கு காரணமான விழித்திரை சீரழிவை குறைக்க உதவுகிறது (விழித்திரை செல்கள் சீரழிதல்). கர்ப்ப காலத்தில் இந்த வைட்டமினின் போதுமான அளவு பராமரிக்கப்படுவது மிகவும் முக்கியம். கர்ப்ப காலத்தில் வைட்டமின் ஏ குறைபாடு ஏற்படுவது குழந்தைகளில் பிறப்பு குறைபாடுகளுக்கான ஒரு ஆபத்தான காரணியாகும். இருப்பினும், கூடுதல் ஆபத்துக்களை ஏற்படுத்தும் என்பதால், வைட்டமின் வழங்கிகளை எடுத்துக்கொள்ளாமலும் இருக்கலாம்.

மாலை கண் நோய் என்பதே விழித்திரை சீர்கேட்டிற்கு முதல் அறிகுறியாகும். இது ரெட்னீடிஸ் பிக்மென்டோஸா (மரபுவழி சீர்குலைவுகளின் ஒரு குழு)-வின் காரணமாக ஏற்படுகிறது. கண்களின் விழித்திரை ஒளி சமிக்ஞைகளை பார்வையாக மாற்றுவதற்கு பொறுப்பாகும். இந்த நிலையில் விழித்திரை சீர்குலைப்பு இளம் பருவத்தில் (டீனேஜ்) அல்லது பதின் பருவத்தில் தொடங்குகிறது, இதன் விளைவாக, பாதிக்கப்பட்டவர்களுக்கு 40 வயதில் பார்வை இழப்பு ஏற்படலாம்.

இது ஒரு மரபு வழியாக வரக்கூடிய கோளாறு ஆகும், மேலும் இந்த பிரச்சனை வருங்கால சந்ததியினரையும் பாதிக்கலாம். இதனாலேயே இந்த நிலைமையைத் தவிர்ப்பது என்பது மிகவும் இன்றியமையாத ஒன்றாகிறது. இந்த நிலைசி கிச்சையளிப்பதன் மூலமாக குணப்படுத்தப்படுவதில் வெற்றிகரமான ஒன்றாக இல்லை என்பதால், உங்கள் உணவில் வைட்டமின் ஏ அதிகம் சேர்த்து கொள்வதன் மூலம் அதன் அபாயத்தை குறைக்கலாம் என அறிவுறுத்தப்படுகிறது. இது வைட்டமின் ஏ விழித்திரைக்கு (மற்றும் பார்வைக்கு) ஒரு எரிபொருளாக இருப்பதாக அடிக்கடி கூறப்படுகிறது. எனவே வைட்டமின் ஏ-வை அதிக அளவு எடுத்துக் கொள்வது அவசியம்!

வைட்டமின் ஏ எபிடெர்மிஸ்-ல் (தோலின் மேல் அடுக்கு) காணப்படும் ஒரு பொதுவான உறுப்பாகும்.  மற்றும் எபிடர்மல் டெர்னோவரில் (பழைய தோல் செல்கள் புதியதாக மாற்றப்படுவது) பங்கேற்கிறது. பச்சிளம் குழந்தைகள் மற்றும் சிறார்களில் எபிடர்மல் டெர்னோவரின் விகிதம் அதிகமாக உள்ளது, மேலும் அது படிப்படியாக வயது ஆக ஆக குறைகிறது. இந்த செயல் தோலுக்கு ஒரு வயதான மற்றும் சுருக்கமான தோற்றத்தை கொடுக்கிறது.

வைட்டமின் ஏ உங்கள் சரும செல்களை உருவாக்கி பராமரிக்க உதவுகிறது, இது முகத்தில் நன்றாகச் சுருக்கங்கள் மற்றும் மடிப்புகளை குறைப்பதில் உதவுகிறது. இந்த செயல்முறைக்கு எபிடர்மல் வைட்டமின் ஏ இன்றியமையாதது என்பதால், அதன் அளவை அதிகரிப்பதற்கு இலக்காக இருக்கும் சிகிச்சைகள் மிகவும் பயன் உள்ளவை. மேற்பூச்சு (தோல் மீது பயன்படுத்தப்படுகிறது) ரெட்டினாய்ட் கரைசல்கள் இதற்கான ஒரு மாற்று ஆகும்.

இந்த மேற்பூச்சுகள் ஆக்ஸிஜனேற்ற சேதம் (இலவச ராடிகல்களால் ஏற்படும் சேதம்) மற்றும் UV கதிர்களினால் உங்கள் தோலில் ஏற்படும் சேதத்தை குறைக்க உதவுகிறது. UV கதிர்கள் எபிடெர்மல் வைட்டமின் ஏ அளவுகளை குறைப்பதாக அறியப்படுகிறது. எனவே, சூரிய ஒளியிலிருந்து சருமத்தைப் பாதுகாத்து தோலில் ஏற்படும் சேதத்தை குறைப்பதில் இது உதவியாக இருக்கும். மேற்பூச்சு ரெட்டினோயிட் ஏஜெண்டுகளாக இருப்பதால், ரெட்டினால்டிஹைடு அல்லது ரெட்டினோல் போன்ற இயற்கையான ரெட்டினோயிக் அமில முன்னோடிகள் அமில ரெட்டினாய்டைக் காட்டிலும் மிகவும் நன்மை பயக்கும் மற்றும் குறைவான எரிச்சலை ஏற்படுத்தும்.

எனினும், உங்கள் மருத்துவரின் ஆலோசனை இல்லாமல் இந்த முகவர்களை பயன்படுத்த வேண்டாம் என்று பரிந்துரைக்கப்படுகிறது. கிரீம்கள் மற்றும் ஈரப்பதமாக்கிகள் போன்ற சில மேற்பூச்சு தயாரிப்புகளில் ஏற்கனவே வைட்டமின் ஏ சேர்க்கப்பட்டுள்ளன. அவற்றை கூட நாம் பயன்படுத்தலாம்.

செல்களின் வளர்ச்சி, வேறுபாடு, பெருக்கம் மற்றும் அப்போப்டொசிஸ் ஆகியவற்றிற்கு வைட்டமின் ஏ அவசியம். இது ஆர்கோஜெனீசிஸ் செயல்முறை (பல்வேறு உடல் உறுப்புகளை உருவாக்குதல்) மற்றும் சீதளத்தின் நோயெதிர்ப்பு செயல்பாடுகளில் ஒரு குறிப்பிடத்தக்க பங்கைக் கொண்டிருக்கிறது. இந்த காரணங்களுக்காக, இது புற்றுநோய் மற்றும் மேலும் சில வளர்சிதை மாற்ற நோய்களுக்கும் தடுப்பு மற்றும் சிகிச்சைக்கு பயன்படுத்தப்படுகிறது.

பீட்டா கரோட்டின் கொண்ட உணவுகளை உட்கொள்ளும் நபர்கள், அதிக அளவில் புற்றுநோயால் பாதிக்கப்படுவது இல்லை, இது பல்வேறு ஆய்வுகள் மூலம் நிரூபிக்கப்பட்டுள்ளது. எனினும், இந்த ஆய்வுகள் சில வகையான புற்றுநோய்களை தடுக்க கரோடீனாய்டுகள் உதவுவதாகவும், ஆனால் கலவையான முடிவுகளே பெறப்பட்டுள்ளன என்றும் தெரிவிக்கின்றன. சில புற்றுநோய்களின் அபாயங்கள் இந்தச் சத்துக்களால் அதிகரிப்பதாக தெரிந்திருக்கின்றன, எனவே அவற்றின் பங்கு இன்னும் விவாதத்திற்குரியது.

ஏற்கெனவே குறிப்பிட்டபடி, ஊட்டசத்து அதிக அளவு தேவைபடுவதன் காரணமாக, கர்ப்ப காலத்தில் வைட்டமின் ஏ குறைபாடு உண்டாவது மிகவும் சாதாரணமானது. இது கருவிற்கு பல பிறப்பு குறைபாடுகளை ஏற்படுத்தும். கருவிற்கு ஏற்படும் குறைபாடுகளை தவிர, வைட்டமின் ஏ குறைபாட்டால் குறை பிரசவம் (39 முதல் 40 வார முழு கர்ப்ப காலத்திற்கு முன் குழந்தை பிறப்பு) ஏற்படும் ஆபத்து கூட அதிகரிக்கலாம். இது குழந்தையின் ஆரோக்கியம் மற்றும் உயிர்வாழ்விற்கான மற்றும் ஒரு அச்சுறுத்தலாகும். இவ்வாறு குறை பிரசவத்தில் பிறந்த குழந்தைகளுக்கு கடுமையான உடல்நலப் பிரச்சினைகள் மற்றும் கற்றல் குறைபாடுகள் ஆகியவற்றுக்கான வாய்ப்புகள் அதிகம்.

இதனால், வைட்டமின் ஏ கொண்ட உணவுகளை கர்ப்ப காலத்தில் உங்கள் உணவு முறையில் கூடுதலாக நிரப்ப வேண்டியது அவசியம், எனவே உங்களுக்கு பக்க விளைவுகள் கொண்ட வைட்டமின் வழங்கி மருந்துகள் தேவைப்படாமல் இருக்கும். மேலே உள்ள பட்டியலில் இருக்கும் உண்ணும் உணவு பொருட்களின் எண்ணிக்கையை உங்கள் உணவு முறையில் அதிகரிக்கலாம். உங்கள் குழந்தையின் ஆரோக்கியத்தை பாதுகாப்பதோடு மட்டுமல்லாமல், வைட்டமின் ஏ கர்ப்ப காலத்தில் தாய்க்கு ஏற்படும் இரத்த சோகை அல்லது உயர் இரத்த அழுத்தம் ஆகியவை வளரும் அபாயத்தை குறைக்கும் மற்றும் உங்கள் கர்ப்ப கால சுகாதார நிலையை உறுதி செய்யும்.

வைட்டமின் ஏ-ஆல் கர்ப்ப காலம் மற்றும் தாய்ப்பால் கொடுக்கும் காலத்தின் போது பிற நன்மைகளும் உள்ளன. ஒரு ஆய்வின் படி, கேரட் பவுல்டிஸ்களின் மேற்பூச்சு பயன்பாடு தாய்ப்பால் சுரப்பதால் ஏற்படும்  மார்பக எங்கொர்ஜ்மென்ட்-ஐ குறைக்க உதவுகிறது. மார்பக எங்கொர்ஜ்மென்ட் என்பது, தாய்ப்பால் மிக அதிகமான அளவு சுரப்பதன் காரணமாக மார்பகங்களில் ஏற்படும் இலக்கம், வீக்கம் மற்றும் கடினமான கட்டி போன்ற கட்டமைப்புகளை குறிக்கிறது.  இருப்பினும், மற்ற ஆராய்ச்சிகள், மார்பக எங்கொர்ஜ்மென்ட்- தானாகவே கட்டுப்படுத்தப்பட்டு விடக் கூடியது என கூறுகின்றன, எனவே மார்பகங்களில் கேரட் மேற்பூச்சு பயன்பாடு எந்தவொரு சிகிச்சை பலனையும் கொண்டிருப்பதாகத் தெரியவில்லை.

(மேலும் வாசிக்க: மார்பக கட்டி ஏற்பட காரணங்கள்)

பச்சிளம் குழந்தைகள் மற்றும் சிறார்களுக்கு சரியான வளர்ச்சி மற்றும் முன்னேற்றத்திற்கு உதவும் வகையில் வைட்டமின் ஏ அவசியமானது. இது குழந்தை பருவ தொற்று மற்றும் நோய்களை தவிர்க்க உதவுகிறது. வைட்டமின் ஏ பச்சிளம் குழந்தைகள் மற்றும் சிறார்களுக்கும் ஏற்பட கூடிய பல்வேறு சுகாதார தொடர்பான ஆபத்துகளை குறைக்கிறது.

ஏற்கனவே ஒரு திட உணவு பழக்கம் ஆரம்பிக்கப்பட்ட குழந்தைகளுக்கு வைட்டமின் ஏ இன் உணவு வழங்கிகளானது ஏற்றது. இருப்பினும், குழந்தைகளின் விஷயத்தில் வைட்டமின் ஏயின் தாய்வழி உட்கொள்ளலை மேம்படுத்துவதன் மூலம் வைட்டமின் ஏயின் போதுமான அளவு பராமரிக்கப்பட வேண்டும். எனவே, வைட்டமின் ஏ பரிந்துரைக்கப்பட்ட தினசரி உட்கொள்ளல் அளவு பாலூட்டும் பெண்களுக்கு அதிகமாக உள்ளது. தாய் பாலில் உள்ள கரோட்டினாய்டுகளின் அளவை அதிகரிக்க நாள் ஒன்றுக்கு ரெட்டினோல் நிறைந்த உணவுகளை குறைந்தது 1300 எம்.சி.ஜி எடுத்துக்கொள்ள பரிந்துரைக்கப்படுகிறது.

பாலூட்டும் காலத்தில் வைட்டமின் ஏ வழங்கி உணவுகளானது நோயெதிர்ப்பு செயல்பாடு மற்றும் குழந்தைகளில் ஆக்ஸிஜனேற்ற செயல்பாடுகளை மேம்படுத்துவதாக அறியப்படுகிறது. அளவுக்கு அதிகமான விட்டமின் ஏ பயன்பாடால் பச்சிளம் குழந்தைகளுக்கு எந்தவொரு அச்சுறுத்தலும் கண்டறியப்படவில்லை, இருப்பினும், 3000 எம்.சி.ஜிக்கு அதிகமான மருந்தளவு தவிர்க்கப்பட வேண்டும்.

வைட்டமின் ஏ என்பது உங்கள் மூளைக்கு தேவையான மிகவும் அத்தியாவசிய ஊட்டசத்து ஆகும். மூளையின் அதன் விளைவுகள் வாழ்க்கையின் அனைத்து நிலைகளிலும் உச்சரிக்கப்படுகிறது. இது குழந்தை பருவத்தில் மற்றும் கை குழந்தை பருவத்தில் ஒரு மிக முக்கியமான பங்கை கொண்டுள்ளது, அது சரியான வளர்ச்சி, மேம்பாடு மற்றும் மூளை செல்களில் வேறுபாடு ஆகியவற்றில் உதவுகிறது. இது வயது வந்த பருவத்தின் போது கூட உகந்த செயல்பாடு மற்றும் மூளை திறன் ஆகியவற்றை உறுதிப்படுத்த உதவுகிறது.

(மேலும் வாசிக்க: மோசமான நினைவாற்றல்)

ஒரு முழு வளர்ந்த வயது வந்தோரின் மூளையில், வேறுபாடு ஏற்படுவது சிறிது குறைவாக உள்ளது. இருப்பினும், சில மாற்றங்கள் பெரியவர்களில் கூட இருக்கலாம், இது நரம்பியல் சிஸ்டீசிட்டி என அழைக்கப்படுகிறது, இது பெரியவர்களில் நினைவாற்றல் மற்றும் செயல்பாட்டை ஒழுங்குபடுத்துகிறது. இது தவிர, வைட்டமின் ஏ சர்க்காடியன் தாளத்தை பராமரிக்க உதவுகிறது, இது உங்கள் தூக்கம் மற்றும் உணவு சுழற்சியை ஒழுங்குபடுத்துவதில் உதவுகிறது. இதனால், உங்கள் உணவில் அதிக வைட்டமின் ஏ-இன் உள்ளடக்கம் உங்கள் மூளையின் செயல்பாடு அதிகரிக்க ஒரு நல்ல யோசனை. இது சர்க்காடியன் கடிகாரத்தை ஒழுங்குபடுத்துவதிலும், பல உடல் செயல்பாடுகளை அதிகரிப்பதிலும் மற்றும் தூக்கத்தை கட்டுப்படுத்தவும் உதவுகிறது.

(மேலும் வாசிக்க: தூக்கமின்மை ஏற்படுவதற்கான காரணங்கள்)

தட்டம்மை ஒரு மோசமான தொற்றுநோய் ஆகும். தடுப்பூசிகள் மற்றும் தடுப்பு நடவடிக்கைகள் கிடைக்கப்பெற்ற போதிலும், மிகவும் , இது இந்தியாவில் மிகவும் பரவலாக உள்ளது. இது ஒரு தீவிரமான வைரஸ் நோய் மற்றும் பச்சிளம் குழந்தைகளுக்கு மரண ஆபத்தை அதிகரிக்கிறது. ஒவ்வொரு ஆண்டும் இந்தியாவில் 5000 க்கும் அதிகமான வழக்குகள் பதிவாகியுள்ளன. ஒரு வைட்டமின் ஏ குறைபாட்டினால் ஊட்டச் சத்து குறைபாடு கொண்ட குழந்தைகளுக்கு தட்டம்மை ஏற்படுகிறது.

தசையூடான வைட்டமின் ஏ ஊடுருவும் ஊசி ஊட்டச்சத்து குறைபாடு உள்ள குழந்தைகளில் சோதிக்கப்பட்டது. அவர்கள் கணிசமாக தட்டம்மை நிகழ்வு குறைக்கபட்டதாக கண்டறியப்பட்டுள்ளது. இறப்பு விகிதம் குறைவு மற்றும் சிறந்த உயிர்வாழ்வு விகிதம் ஆகியவை அவற்றில் காணப்படுகின்றன.

(மேலும் வாசிக்க: தொற்று நோய்களுக்கான சிகிச்சை)

வைட்டமின் ஏ வழங்கிகளால் வயதானவர்களுக்கு பல ஆரோக்கிய நலன்கள் உள்ளன. ஒரு சக்திவாய்ந்த ஆக்ஸிஜனேற்றியாக இருப்பதால், வைட்டமின் ஏ தோல் மீது வயதாவதால் ஏற்படும் விளைவுகளை குறைப்பதாக அறியப்படுகிறது. இது இளமையானவர்களாக இறுக்கமான மற்றும் மிருதுவாக தோலை பராமரிக்க உதவுகிறது.

வயதானவர்களுக்கு பார்வை தொடர்பான சீர்குலைவுகளை தவிர்க்கவும் மேலும் விழித்திரை குறைபாடுகள் மற்றும் குருட்டுத்தன்மையை குறைக்கவும் வைட்டமின் ஏ உதவுகிறது. இது தவிர, வைட்டமின் ஏ மூளையில் ஆக்ஸிடேடிவ் அழுத்தத்தை குறைப்பதன் மூலம் முதியோருடன் அறிவாற்றல் (மூளை செயல்பாடு மற்றும் நினைவக தொடர்பான) குறைபாடுகளைத் தடுக்கிறது.

வயதானவர்களில் ஆக்ஸிடேடிவ் அழுத்தம் குறைந்துவரும் நினைவாற்றல் மற்றும் அறிவாற்றல் ஆகியவற்றிற்கு பொறுப்பேற்கிறது. தினசரி செயல்பாடுகளுக்கு தேவையான மன மற்றும் உடல் செயல்பாடுகளை மேம்படுத்துவதால் வைட்டமின் ஏ வயதானவர்களுக்கு மிகவும் முக்கியம்.