தேங்காய் தண்ணீர் நன்மைகள், கலோரிகள், பயன்கள், ஊட்டச்சத்து விவரங்கள், பக்க விளைவுகள் - Coconut Water Benefits, Calories, Uses, Nutrition facts, Side effects in Tamil

தண்ணீர் மற்றும் எலெக்ட்ரோலைட்டுகளை செறிவாகக் கொண்டிருக்கும் தேங்காய் தண்ணீர், உடல் இழந்த தாதுக்கள் மற்றும் திரவங்களைத் திறம்பட மறு நிரப்பு செய்கிறது. இது, உடற்பயிற்சிக்குப் பின்னர் அருந்தும் பானங்களுக்கு ஒரு இயற்கை மாற்றாகப் பயன்படுத்தப்படுவது, அதிகரித்துக் கொண்டே வருகிறது. தேங்காய் தண்ணீர், மற்றும் கார்போஹைட்ரேட் -எலெக்ட்ரோலைட்டுகள் மற்றும் சுத்தமான தண்ணீரின்  கலவையைக் கொண்ட ஒரு குளிர்பானம், இரண்டையும் ஒப்பிட மற்றும் அவற்றின் செயல்திறனைக் கண்டறிய, ஒரு ஆய்வு மேற்கொள்ளப்பட்டது. அந்த ஆய்வில், அந்த குளிர்பானத்தை விட, தேங்காய் தண்ணீர் சுவை மிகுந்ததாக, மற்றும் அருந்திய பின் குமட்டல் ஏற்படுத்தாமல் இருந்தது வெளிப்பட்டது. மேலும் அது, வயிறு நிரம்பிய உணர்வைக் கொடுத்ததோடு வயிற்றுத் தொந்தரவு எதையும் ஏற்படுத்தவில்லை. அந்த ஆய்வு மூலம், உடற்பயிற்சிக்குப் பின்னர், தேங்காய் தண்ணீரை மறு நீர்ச்சத்துக்கான, ஒரு நல்ல ஆதாரமாகப் பயன்படுத்தலாம் என்ற முடிவுக்கு வரப்பட்டது.

மூலக்கூறு சேதாரக் கூறுகள் என்பவை, நமது உடலின் இயற்கையான வளர்சிதை மாற்ற செயல்பாடுகளால் உற்பத்தி செய்யப்படுகின்ற, நிலையற்ற மூலக்கூறுகள் ஆகும். ஆனால், இந்த மறுவிளைவு ஆக்சிஜன் இனங்களின் அளவுக்கு அதிகமான உற்பத்தி, உடலின் செல்களை சேதப்படுத்தி, ஆக்சிஜனேற்ற நச்சுத்தன்மையை அதிகரிக்கக் கூடும். அதிகமான ஆக்சிஜனேற்ற நச்சுத்தன்மையைக் கொண்ட ஒரு உடலானது, புற்றுநோய், தமனித் தடிப்பு மற்றும் நீரிழிவு போன்ற பல்வேறு நோய்களுக்கு, எளிதில் இலக்காகக் கூடியதாக இருக்கிறது. ஆக,  எவ்வாறு உங்களால் மூலக்கூறு சேதாரக் கூறுகள் அதிகமாவதைத் தடுக்க முடியும்?

ஆக்சிஜனேற்ற எதிர்ப்பிகள் என்பவை, நமது உடலில் மூலக்கூறு சேதாரக் கூறுகள் உருவாவவைத் தடுக்கின்ற மூலப் பொருட்கள் ஆகும். தேங்காய் தண்ணீர், ஆக்சிஜனேற்ற நச்சுத்தன்மையைத் தடுக்க உதவுகின்ற ஆக்சிஜனேற்ற எதிர்ப்பிகளை, அதிக அளவில் கொண்டிருக்கிறது. தேங்காய் தண்ணீர், இந்த மூலக்கூறு சேதாரக் கூறுளை அழித்து ஒழிக்கும் பொறுப்பை உடைய, பல்வேறு வகை ஃபெனோலிக் மூலக்கூறுகள் மற்றும் அஸ்கார்பிக் அமிலம், காஃபீயிக் அமிலம் ஆகியவற்றைக் கொண்டிருக்கிறது. ஒரு முன் மருத்துவ ஆய்வு, தேங்காய் தண்ணீரில் உள்ள ஆக்சிஜனேற்ற எதிர்ப்பிகள், உடலில் உள்ள இரத்த அழுத்தம், இரத்த சர்க்கரை அளவு, ட்ரைக்ளிசரைட் அளவு மற்றும் கொழுப்பு அமில அளவுகளைத் திறம்படக் குறைக்கின்ற அதே வேளையில், இயற்கையான ஆக்சிஜனேற்ற எதிர்ப்பு செயல்பாடும் கணிசமாக அதிகரிக்கிறது என்று கண்டறியப்பட்டு உள்ளது.

(மேலும் படிக்க: ஆக்சிஜனேற்ற எதிர்ப்பிகள் செறிவான உணவுகள்)

sசிறுநீரகக் கற்கள் என்பவை, சிறுநீரகங்களில் உருவாகின்ற கெட்டியான படிமங்கள் ஆகும். மேலும் அது, சிறுநீர் கழிக்கும் பொழுது ஏற்படும் கடுமையான வயிற்று வலி மற்றும் எரிச்சல் உணர்வைக்  கொண்டு வகைப்படுத்தப்படுகிறது. அது, சிறுநீரக அமைப்பின் சுவர்களில் சிறுநீரகக் கற்கள் உரசுவதன் காரணமாக வழக்கமாக ஏற்படுகின்ற, இரத்த சிறுநீர் (சிறுநீரில் இரத்தம்) பிரச்சினையுடன் இணைந்ததாகவும் இருக்கலாம். ஏழு வார கால அளவுக்கு விலங்கு மாதிரிகள் மீது நடத்தப்பட்ட ஒரு ஆய்வு, தேங்காய் தண்ணீர் அருந்துவது, சிறுநீரக கற்கள் உருவாவதைக் குறைக்கிறது மற்றும் சிறுநீரில் உருவாகியுள்ள கற்களின் எண்ணிக்கையைக் குறைக்கவும் கூட உதவுகிறது என்பதை வெளிப்படுத்தியது. இந்த ஆய்வு, சிறுநீரகக் கற்களுக்கு சிகிச்சை அளிக்க, தேங்காய் தண்ணீரை ஒரு இயற்கையான காரணியாகப் பயன்படுத்தலாம் என்பதை சுட்டிக் காட்டுகிறது.

தோல், பொதுவான நோய்த்தொற்றுக்கள், மாசுக்கள் மற்றும் தீங்கு விளைவிக்கும் யு.வி. கதிர்களுக்கு எதிரான முதல் வரிசை பாதுகாப்பு அமைப்பாக இருக்கின்றது மற்றும் மிகவும் முக்கியமான உறுப்புகளில் ஒன்றாக இருக்கிறது. போதுமான அளவு உடல் ஆரோக்கியத்தைப் பராமரிக்க அதனை, தோல் வியாதிகள், நிறமேற்றம் மற்றும் தீங்கு விளைவிக்கும் உள்மூலக்கூறு சேதாரம் போன்ற பல்வேறு பிரச்சினைகளில் இருந்து பாதுகாப்பது மிகவும் முக்கியமானது ஆகும். மேலும், ஒரு கச்சிதமான பளபளப்பான, ஆரோக்கியமான மற்றும் மாசு மருவற்ற சருமத்தை யார் தான் வேண்டாம் எனக் கூறுவார்கள்? தோல் நிறமேற்றத்தைக் குறைக்க தேங்காய் தண்ணீரைப் பயன்படுத்த இயலும் என ஆய்வுகள் வெளிப்படுத்தி இருக்கின்றன. தேங்காய் தண்ணீர், ஒரு பயன்மிகுந்த ஆக்சிஜனேற்ற எதிர்ப்பியான வைட்டமின் சி -யை செறிவாகக் கொண்டிருக்கிறது. 

ஆய்வுகள், தேங்காய் தண்ணீரில் இருக்கின்ற வைட்டமின் சி -யை, நிறமேற்றத்தைத் தடுப்பதில் மற்றும் யு.வி கதிர்கள் படுவதால் ஏற்படும் சரும முதிர்ச்சி, சருமத்தில் ஏற்படும் அழற்சி மற்றும் நோய்த்தொற்று ஆகியவற்றுக்கு எதிராகப் பயன்படுத்த இயலும் எனத் தெரிவிக்கின்றன.

மற்றொரு ஆய்வு தேங்காய் தண்ணீர், பொதுவான நுண்ணுயிர் நோய்த்தொற்றுக்களில் இருந்து பாதுகாக்கக் கூடிய, எண்ணற்ற நுண்ணுயிர் எதிர்ப்பு மற்றும் பூஞ்சை எதிர்ப்பு பண்புகளால் நிரம்பி இருக்கிறது என்று சுட்டிக் காட்டியது.

தேங்காய் தண்ணீர், முடிகளுக்கான பல்வேறு நன்மைகளைக் கொண்டிருக்கிறது. ஆக்சிஜனேற்ற எதிர்ப்பிகளை செறிவாகக் கொண்டிருப்பதால் அது, முடி இழப்பு மற்றும் இளநரை ஆகியவற்றைத் தடுக்கிறது. முடிக்கு தேங்காய் தண்ணீரைத் தடவுவது, முடிக்கு ஊட்டமளித்து பொலிவை வழங்குகிறது என ஆய்வுகள் வெளிப்படுத்துகின்றன. மேலும், தேங்காய் தண்ணீரில் காணப்படும் கேப்ரிலிக் அமிலம், பொடுகு ஏற்படுவதைத் தடுப்பதில் உதவிகரமாக இருக்கக் கூடிய பூஞ்சை எதிர்ப்பு பண்புகளைக் கொண்டிருக்கிறது, எனக் கண்டறியப்பட்டு இருக்கிறது.

இரத்தத்தில் உயர் கொழுப்பு என்பது, இரத்தத்தில் இருக்கக் கூடிய அதிகப்படியான கொழுப்பின் மூலம் குறிப்பிடப்படுகிற ஒரு பிரச்சினை ஆகும். அது, இதய நோய்கள், பக்க வாதம் போன்ற பல்வேறு பிரச்சினைகள் ஏற்படும் அபாயத்தை அதிகரிக்கக் கூடும். ஆய்வுகள், தேங்காய் தண்ணீர் உடலில் உள்ள கொழுப்பு அளவுகளைக் குறைக்க உதவுகிறது என்று தெரிவிக்கின்றன. தேங்காய் தண்ணீரில் இருக்கின்ற கால்சியம், பொட்டாசியம் மற்றும் மெக்னீசியம் போன்ற அத்தியாவசியமான தாதுக்கள் மற்றும் அஸ்கார்பிக் அமிலம் மற்றும் எல்-ஆர்ஜினைன் போன்ற மூலப்பொருட்கள், கொழுப்பு அளவுகள் மீது ஒரு சாதகமான விளைவைக் கொண்டிருக்கின்றன.

ஒரு முன் மருத்துவ ஆய்வு, தேங்காய் தண்ணீர், மொத்த கொழுப்பின் அளவுகள் (டி.சி), கெட்ட கொழுப்பின்  அளவுகள் ஆகியவற்றைக் குறைக்க மற்றும் நல்ல கொழுப்பு அளவை (எச்.டி எல்) அதிகரிக்க உதவுவதை வெளிப்படுத்தியது.

(மேலும் படிக்க: உயர் கொழுப்பு சிகிச்சை)

நீரிழிவு என்பது, இரத்தத்தில் உள்ள சர்க்கரையை வளர்சிதை மாற்றத்துக்கு உட்படுத்த, உடலினால் இயலாத ஒரு நிலையினால் ஏற்படும், நீடித்த சர்க்கரை மிகை (இரத்தத்தில் உள்ள சர்க்கரைகள் அதிகரித்த ஒரு நிலை) என்ற ஒரு பிரச்சினையினைக் கொண்டு குறிப்பிடப்படுகிறது. பல்வேறு ஆய்வுகள், தேங்காய் தண்ணீரின் சர்க்கரைக் குறைப்புத் திறனைப் பற்றி தெரிவிக்கின்றன. விலங்குகள் மீது நடத்தப்பட்ட ஒரு ஆய்வு தேங்காய் தண்ணீர், இரத்த சர்க்கரை மற்றும், ஒரு நபரின் சராசரி இரத்த சர்க்கரை அளவின் அளவையான கிளைக்கோஸைலேட்டட் ஹீமோகுளோபின், ஆகியவற்றைக் குறைக்க உதவியதை வெளிப்படுத்தியது.

(மேலும் படிக்க: நீரிழிவு சிகிச்சை)

பல் சொத்தை எனவும் அறியப்படும் பற்சிதைவுகள் முக்கியமாக, எஸ்.மியூட்டன்ஸ் என அழைக்கப்படும் ஒரு வகை நுண்ணுயிரியினால் ஏற்படுகிறது. ஆய்வுகள் தேங்காய் தண்ணீர், நுண்ணுயிர் எதிர்ப்பு பண்புகளைக் கொண்டிருப்பதாகத் தெரிவிக்கின்றன. வழக்கமாக இந்தப் பண்புகள், தேங்காய் தண்ணீரில் இருக்கின்ற லாரிக் அமிலத்துடன் இணைந்து இருக்கிறது.

தேங்காய் தண்ணீரின் நுண்ணுயிர் எதிர்ப்பு விளைவானது, வாய் புண்கள் போன்ற குறிப்பிட்ட வாய் பிரச்சினைகளைத் தடுப்பதில் உதவக் கூடியது ஆகும். ஆய்வுகள், தேங்காய் தண்ணீரில் இருக்கின்ற ஒற்றை செறிவு சர்கோஸ்  மற்றும் கிளைக்கோலிப்பிட் ஆகியவை, எஸ்.மியூட்டன்ஸ் வளர்ச்சியைத் தடுப்பதன் மூலம், பற்சிதைவுகள் ஏற்படுவதைத் தடுக்கின்றன எனத் தெரிவிக்கின்றன.