ग्रीन टीचे फायदे, सहप्रभाव आणि वापर - Green Tea Benefits, Side Effects and Use in Marathi

संशोधनात प्रगती झाल्यामुळे, माणसांनी अधिकतर रोगांच्या विरोधात प्रतिजैविके विकसित केली आहेत. अधिकतर रोग पूर्वी घातक समजले जात होते आणि आता सतत विकसित होणार्र्या तंत्रज्ञानामुळे उपचारयोग्य आहेत. पण या यशामुळे औषधप्रतिरोधक सूक्ष्म जिवांच्या रूपात पूर्णपणें भिन्न आव्हान आमच्यासमोर आले आहे. अशा वेळेस, अधिक नैसर्गिक उत्पादनांची गरज आहे, जे अधिक व्यापक पातळीवर काम करतील आणि त्यांविरोधात प्रतिरोध विकसित करण्यास सूक्ष्म जिवांना कठिन जाईल. अभ्यासांमध्ये दिसून आले आहे की ग्रीन टी फंगल, विषाणूजन्य आणि जिवाणूजन्य संक्रमणांना सामोरे जाण्यात खूप प्रभावी आहे. ग्रीन टीच्या या गुणधर्माचे कारण तिच्यात असलेले कॅटेचिन आहे, ज्यांनी अधिकतर सूक्ष्म जिवांच्या विकासाला नियंत्रण करण्याचा दावा केला आहे आणि प्रभावीपणें रोगाच्या कारक जिवाणूंना मारू शकते. तसेच, ग्रीन टीचे सूक्ष्मजीवरोधी प्रभाव एमआरएसए ( मेथेसिलिन प्रतिरोधक स्टॅफिलोकॉकस ऑरस) वर प्रभावी असल्याचे सिद्ध झाले आहे. तथापी, औषधीय उपचारामध्ये ग्रीनटीच्या सूक्ष्मजीवरोधी पैलूचे उपयोग करून घेण्याच्या अचूक पद्धतीबद्दल अजूनही संशोधन चालू आहे.

स्तनाचे कर्करोग जगभरातील महिलांमध्ये मर्त्यतेच्या प्रमुख कारणांपैकी एक आहे. अनेक औषधे असतांनाही, या सतत वाढत असलेल्या समस्येला हाताळणें खूप कठिण राहिले आहे, विशेषकरून अतिशय धोका असलेल्या लोकांमध्ये (त्यांच्य कुटुंबात स्तनाच्या कर्करोगाचे इतिहास असलेल्या लोकांमध्ये) . हल्लीचे अभ्यास सुचवतात की ग्रीन टी सार देणें स्तनाच्या कर्करोगासाठी सर्वांत सामान्यपणें वापरले जाणारे औषध आणि कर्करोग कोशिका मारण्यात खूप शक्तिशाली आहे आणि कर्करोगाच्या वाढीवर नियंत्रण ठेवते. हे पुढे सुचवले गेले की ग्रीन टीमधील कॅटेचिन कर्करोगरोधी वाहक असू शकतो. तसेच, ग्रीन टीचा अभ्यास त्याच्या अमाशय व फुफ्फुसांच्या कर्करोगामध्ये कर्करोगरोधी गतिविधींसाठी केला जात आहे, जिथे असा दावा केला गेला की ते विकिरणामधील जळजळीचे प्रभाव कमी करण्यात सहायक आहे. तथापी, कर्करोग कोशिकांवर त्याच्या वास्तविक कार्यपद्धतीबद्दल काही प्रमाण उपलब्ध नाही, आणि योग्य पुराव्याअभावी अजून संशोधन आजही गरजेचे आहे.

स्वयंप्रतिकार रोग म्हणजे ती स्थिती ज्यामध्ये एखाद्या व्यक्तीची प्रतिकार प्रणाली स्वतःच्या कोशिकांविरुद्ध प्रतिजैविके तयार करते. अशक्त झालेले शरीर आणि प्रतिकार प्रणालीला अनेक संक्रमणांचा धोका असतो. याची नोंद घ्यावी की प्रतिकार प्रणाली शिथिल झालेल्या व्यक्तीवर उपचार करणें सामान्य व्यक्तीपेक्षा अधिक कठिण आहे, कारण त्यांचे स्वतःची प्रतिकार प्रणाली त्यांच्याविरुद्ध कार्य करत असते. ओरेगॉन राज्य विद्यापिठाद्वारे प्रकाशित झालेल्या लेखानुसार, ग्रीन टी प्रतिकार सशक्त करण्यात खूप उपयोगी आहे. हे लेख सुचवते की ग्रीन टीमधील काही यौगिके नियाम्क टी कोशिका ( शरिराच्या स्वतःच्या कोशिकांवर आक्रमण करण्यापासून प्रतिकार प्रणालीला रोखणार्र्या प्रतिकार प्रणालीतील काही कोशिका) चे स्तर वाढवते. नियामक टी कोशिकांची संख्या वाढल्यास, शरिराच्या सामान्य कोशिकांवर हल्ला करण्यापासून प्रतिकार प्रणाली दूर जाते आणि स्वयंप्रतिकार रोगांची तीव्रता कमी होते.

अल्झायमर्स आणि पार्किसंससारखे रोग आज खूप सामान्य न्युरोडिजनरेटिव्ह रोग (मेंदूच्या कोशिकांना नष्ट करणारे रोग) आहेत. मेंदूच्या कोशिकांच्या या रोगांमुळे झालेल्या ह्रासांमुळे माणसांमध्ये डिमेंशिआ आणि संज्ञानात्मक कार्याची हानी होऊ शकते. हल्लीचे अभ्यास सुचवतात की ग्रीन टीच्या सारामध्ये अशा अधिकतम न्युरोडेजेनेरेटिव्ह रोगांमधील लक्षणे कमी करण्यात खूप उपचारात्मक मूल्य आहे. हे अभ्यास पुढे सुचवतात की ग्रीन टीचे एंटीऑक्सिडेंट गुणधर्म ग्रीन टीच्या मज्जारक्षक ( मेंदूच्या कोशिकांना सुरक्षा देणारे आणि न्युरॉनची क्षती टाळणारे) फायद्यांसाठी जवाबदार आहेत.

अनेक अभ्यासांनुसार, ग्रीन टी संधिवाताच्या उपचारामध्ये खूप उपयोगी आहे. हे अभ्यास सुचवतात की ग्रीन टीमध्ये पॉलिफॅनॉल्स म्हणून जीवशास्त्रीय यौगिकांचे, विशेषकरून ईजीसीजी ( एपिगॅलोकॅटेचिन-3 गॅलॅट) . विशेष वर्ग असते जे एक शक्तिशाली दाहशामक आणि एंटीऑक्सिडेंट आहे. ती सांध्यांमधील वेदना आणि सूज कमी करते, आणि संधिवाताच्या दोन असह्य समस्यांपासून आराम देते. अमेरिकेत झालेले पुढील अभ्यास पुष्टी करते की संधिवाताच्या उपचारामध्ये ईजीसीजीचे उपचारात्मक मूल्य असतात. ईजीसीजीच्या हाड सुरक्षित ठेवण्याच्या गुणवत्तांसह ऑस्टिओपोरोसिस्सारख्या हाडांच्या रोगांची लक्षणे कमी करण्यात ग्रीन टीमधील स्थित फ्लोराइडच्या प्रभावावरही व्यापक अभ्यास झाले आहे. तथापी, या औषधाची मात्रा आणि उपचाराबद्दल किंवा मानवी आरोग्यावरील त्याच्या संभाव्य प्रभावांवर पर्याप्त प्रमाण उपलब्ध नाही. म्हणून, संधिवाताच्या रुग्णांनी ग्रीन टीच्या संभाव्य संधिवातरोधी प्रभावांबद्दल डॉक्टरांना विचारून घ्यावे

हल्लीच्या अभ्यासांचा दावा आहे की ग्रीन टी शरिरातील इंसुलिन संवेदनशीलता वाढवते. नियमितपणें ग्रीन टी वापरल्याने हे हॉर्मोन (इंसुलिन) रक्तातील अधिक ग्लूकोझ घेते आणि याद्वारे शरिरातील रक्तशर्करा कमी होते. जपानी जनतेवर झालेल्या पुढील अभ्यासामध्ये, असा दावा केला गेला होता की रोज ग्रीन टी पिणार्र्या लोकांना मधुमेह होण्याची खूप कमी शक्यता असते.

ग्रीन टी विटामिनचे एक चांगले स्त्रोत आहे, विशेषकरून विटामिन बी, सी, डी आणि ई सह, हे विटामिन हेअर फॉलिकलला पोषित करतात आणि केसांच्या वाढीला वाव देतात. तसेच, विटामिन सी एक शक्तिशाली एंटीऑक्सिडेंट आहे, जे ग्रीन टीमध्ये स्थित कॅटेचिनसह केसांना झालेल्या ऑक्सिडेटिव्ह क्षती (तणाव आणि प्रदूषणाद्वारे झालेली) मुळे झालेल्या केस गळतीविरुद्ध झगडतात. प्राण्यांवर केलेल्या आणि प्रयोगशाळा अभ्यासही सुचवतात की ग्रीन टी स्थानिकरित्या लावणें स्त्री आणि पुरुष दोघांमध्ये टेस्टस्टरोनमुळे झालेल्या केसगळती आणि टक्कल पडण्याविरुद्ध खूप प्रभावी आहे. तरीही, मानवी प्रमाणाच्या अभावामध्ये, तुमच्या केसांसाठी रिंस किंवा पेस्ट म्हणून ग्रीन टी वापरण्यापूर्वी तुमच्या डॉकटरांशी चर्चा केली पाहिजे.

हे तुम्ही चकाकत आहात की हा चहा आहे? एक कोडे आहे न हा. पण नियमितपणें ग्रीन टी घेतल्याने हा स्वप्न वास्तवामध्ये परिवर्तित होऊ शकतो. अभ्यास सुचवतात की ग्रीन टीचे एंटीऑक्सिडेंट आणि दाहशामक गुणधर्मांमुळे ते आदर्श वयवाढरोधी खाद्य बनते. ग्रीन टी नियमित घेतल्याने शरिरातील एंटीऑक्सिडेंट्ची संख्या वाढते, जे चेहर्र्यावरील सुरकुती, बारीक रेषा आणि वेळेपूर्वी वयवाढीच्या इतर चिन्हांविरुद्ध सुरक्षेची पहिली रेषा आहे. तसेच, वापरलेले ग्रीन टी बॅग्स स्थानिकरित्या लावणें डोळे सुजण्यासाठी एक ज्ञात उपाय आहे. वैद्यकीय व्यावसायिकांनुसार, ग्रीन टीमधील कॅफीन डोळ्यांच्या भोवतीच्या नसांना संकुचित करतात, जे डोळ्याच्या क्षेत्रातील रक्ताभिसरण वाढवून  डोळ्यांच्या भोवतीची सूज कमी  करतात. म्हणून पुढच्या वेळी तुम्ही खूप वेळ काम केल्याने, ग्रीन टीचे वापरलेल्या बॅगद्वारे तुमच्या तणाव झालेल्या डोळ्यांना आराम देतात.

तुमच्या श्वासातून दुर्गंधी येते का? तुम्हालाही हिरड्याच्या समस्यांचा त्रास आहे का? आनंदाची बाब ही आहे की ग्रीनटीचे जिवाणूरोधी गुणधर्म तुमच्या मदतीला येऊ शकतात. डॉक्टर सुचवतात की हिरड्याच्या किंवा दाताचे संक्रमण श्वासातून दुर्गंधी येण्याचे प्राथमिक कारण आहे. संशोधनाप्रमाणें, ग्रीन टीमधील कॅटेचिन तुमच्या तोंडातील हानिकारक जिवाणूंना मारतात आणि श्वासाच्या दुर्गंधीची समस्या कमी करतात. तसेच, ग्रीन टीचे सुगंधकारक प्रभाव श्वासातून दुर्गंधींच्या समस्येला हाताळण्यास मदत करतात, जे आंतरिकपणें सल्फर अधिक असलेल्या कांदे किंवा लसूणसारखे विभिन्न खाद्यपदार्थ खाण्यामुळे होऊ शकतात.

हल्लीच्या शतकात कार्डिओव्हॅस्कुलर ( हृदय आणि रक्ताभिसरणप्रणालीशी संबंधित) रोग खूपच अधिक प्रचलन पावले आहेत. प्रदूषण, लठ्ठपणा आणि तणाव वाढल्यास, वयस्कर लोकांचे रोग आता त्याच प्रमाणात तरुण मंडळीला प्रभावित करत आहेत. अभ्यास सुचवतात की ग्रीन ती हृदयाच्या समस्यांना कमी करण्यात खूप मदतशीर सिद्ध होऊ शकतात. संशोधकांप्रमाणें, फ्री रॅडिकल ( शरिराचे स्वतःचे चयापचय कार्य आणि तणाव किंवा प्रदूषणाचे प्रभाव म्हणून आपल्या शरिरात निर्माण झालेले एक प्रकारचा प्राणवायू) आपल्या शरिरातील एलडीएल (कमी घनत्त्वाचे कॉलेस्टरॉल) किंवा खराब कॉलेस्टरॉल आणि रक्तनलिकांमध्ये प्लाक (वसा संचय) बनण्यास कारणीभूत होतो. प्लाकमुळे रक्तनलिका आंकुचन पावतात आणि स्ट्रोक व हृदयविकाराच्या झटक्यासारख्या समस्या होतात. एंटीऑक्सिडेंट म्हणून ग्रीन टी फ्री रॅडिकलला मुक्त करतात आणि ऑक्सिडेशन प्रक्रिया थांबवतातम ज्याने सर्वांत सामान्य आरोग्य समस्यांचा धोका कमी होतो.

तुम्ही हल्ली वजन कमी करण्याबद्दल ग्रीन टीच्या प्रभावांबद्दल ऐकले आहे का? तुम्हाला कुणी सांगितले आहे का की हे पूरक तत्त्व त्यांच्यासाठी किती आश्चर्यकारक राहिले आहे? तुम्हाला त्याच्याबद्दल चांगले प्रत्युत्तर अजूनही मिळालेले नसल्यास, त्याचा तुम्ही शोध घेतला, तर तुम्हाला स्वतःच त्याच्या फायद्यांबद्दल माहीत पडेल. वजन कमी करण्याबद्दल लोकांची मदत करण्यात ग्रीन टीच्या कार्यक्षमतेबद्दल अनेक संशोधन झालेले आहेत आणि ते सुचवतात की ग्रीन टी नक्कीच वजन कमी करण्यात प्रभावी आहे. हे अजून जोडण्यात आले की ग्रीन टीमध्ये कॅटेचिन आणि कॅफीन असते, जे एकत्रितपणें शरिराच्या चयापचयाला वाढवतात. आणि सैद्धांतिकरीत्या, वाढीव चयापचय आपल्या शरिराला ऊर्जा अधिक गतीने जाळून अधिक वसा तोडण्यात मदत करतात. पण, यापैकी अधिकतर अभ्यासांचा दावा आहे की अधिक प्रमाणात कॅटेचिन आणि कॅफीन सामान्यपणें एक कप ग्रीन टीमध्ये उपस्थित असतात. डॉक्टरांप्रमाणें, ग्रीन टी नियमित व्यायाम आणि निरोगी आहारपद्धतीच्या लाभांमध्ये भर घालते. पण त्याच्या प्रचाराच्या अगदी उलट, तुम्ही जंक फूड घेत असल्यास आणि स्वच्छंद जीवनशैली असल्यास, ग्रीन टी काही जादूची छडी नाही. वजन प्रभावीपणें कमी करण्यासाठी, ग्रीन टीसह व्यायाम आणि निरोगी जेवण करण्याचा सल्ला दिला जाऊ शकतो.

तुम्हाला माहीत आहे का की रोज एक कप चहा पिल्याने तुमचा मेंदू तीव्र होतो? आयुर्वेदिक वैद्यांनुसार, ग्रीन टीमध्ये प्रचुर कॅफीन असतो, ज्याचे मेंदूच्या कोशिकांवर प्रत्यक्ष संप्रेरक प्रभाव होतो. आमच्या मेंदूवर कॅफीनचे प्रभाव होण्याच्या नेमक्या पद्धतींच्या अभ्यास करण्यासाठी अनेक अभ्यास करण्यात आलेले आहेत आणि त्यापैकी अधिकांश सुचवतात की कॅफीन आमच्या मेंदूमधील रसायनाचे (एडोनेसिन) कार्य अडवून टाकते. एडोनेसिन स्तर कमी झाल्याने मेंदूंच्या कोशिकांची गतिविधी वाढते. अभ्यास सुचवतत की कॅफीन कमी घेतल्यास ते न केवल मेंदूसाठी संप्रेरक आहे, तर ते स्मरणशक्ती आणि मेंदूमधील समन्वयही सुधारते.