గర్భాశయ క్యాన్సర్ - Endometrial Cancer (Uterine Cancer) in Telugu

గర్భాశయ క్యాన్సర్ (ఎండోమెట్రియల్ క్యాన్సర్) అంటే ఏమిటి?

గర్భాశయం దాని లోపల ఎండోమెట్రియం అని పిలువబడే ఒక అంతర్గత పొరను కలిగి ఉంటుంది. ఎండోమెట్రియం యొక్క కణాలు ఒక నియంత్రణ లేకుండా పెరిగిపోతుంటే, అది గర్భాశయ క్యాన్సర్/ఎండోమెట్రియల్ క్యాన్సర్ కు  దారితీస్తుంది. సాధారణంగా, ఇది ఎండోమెట్రియల్ హైపర్ప్లాసియా వలె మొదలయ్యి చివరికి క్యాన్సర్ గా మారుతుంది.

దాని ప్రధాన సంకేతాలు మరియు లక్షణాలు ఏమిటి?

గర్భాశయ/ఎండోమెట్రియల్ క్యాన్సర్ యొక్క లక్షణాలు ప్రారంభంలో  కేవలం గర్భాశయ ప్రాంతానికి మాత్రమే పరిమితమై ఉంటాయి క్రమంగా వేరే ప్రాంతాలకి వ్యాప్తి చెందుతాయి లేదా సాధారణీకృతమైన  లక్షణాలను చూపిస్తాయి, అవి:

• అసాధారణ యోని రక్తస్రావం, అధిక రక్తస్రావం లేదా ఋతుచక్రాల మధ్యలో ఉంటుంది
• మెనోపాజ్ (రుతువిరతి) తర్వాత కూడా యోని రక్తస్రావం
• పెల్విక్ నొప్పి
• సంభోగ సమయములో నొప్పి కలుగుట (Dyspareunia)
• అసాధారణ యోని స్రావాలు (రక్తపు మరకలు, పసుపుపచ్చ స్రావాలు)
• బరువు తగ్గుదల
• అలసట
• ఆకలి తగ్గుదల

దాని ప్రధాన కారణాలు ఏమిటి?

ఎండోమెట్రియం అండాశయ హార్మోన్లకు, ముఖ్యంగా ఈస్ట్రోజెన్ (oestrogen)కు చాలా సున్నితంగా ఉంటుంది; అయితే, ఎండోమెట్రియాల్ క్యాన్సర్ యొక్క ఖచ్చితమైన కారణం ఇంకా తెలియలేదు. ఒక స్త్రీకి ఎండోమెట్రియాల్ క్యాన్సర్ను కలిగించే ప్రమాద కారకాలు  ఉన్నాయి. వీటిలో కొన్ని ఈ క్రింది విధంగా ఉంటాయి:

• కుటుంబ చరిత్ర (ఎండోమెట్రియల్ క్యాన్సర్ లేదా గర్భాశయ ఫైబ్రాయిడ్లు ఉండి ఉన్న  తల్లి లేదా సోదరి)
• త్వరగా రజస్వల కావడం
• వంధ్యత్వం
• ఊబకాయం
• హార్మోన్ ప్రత్యామ్నాయం చికిత్స (HRT) ను దీర్ఘకాలం పాటు వాడడం  
• రొమ్ము క్యాన్సర్ మందులు (టామోక్సిఫెన్,tamoxifen)

ఎలా నిర్ధారించాలి మరియు చికిత్స ఏమిటి?

పూర్తి ఆరోగ్య చరిత్రతో కూడిన వైద్య పరీక్ష సాధారణంగా ఎండోమెట్రియాల్/గర్భాశయ క్యాన్సర్ను నిర్ధారిస్తుంది. అంతేకాకుండా, క్యాన్సర్ యొక్క తీవ్రతను పరిశీలించడానికి పరిశోధనలు అవసరం

• పెల్విక్ అల్ట్రాసౌండ్ (Pelvic Ultrasound) - ఎండోమెట్రియం యొక్క మందం తెలుకోవడానికి
• ట్రాన్స్వాజినల్ అల్ట్రాసౌండ్ (Transvaginal Ultrasound) - ఎండోమెట్రియంలో మార్పులను ఖచ్చితంగా అంచనా వేయడానికి  
• హిస్టెరోస్కోపీ (Hysteroscopy) - ఎండోస్కోప్ ను ఉపయోగించి ఎండోమెట్రిమ్ను పరిశీలించడానికి, గర్భాశయం యొక్క అంతర్గత పొరలలోని అసమానతలను సూచిస్తుంది
• ఎండోమెట్రియాల్ బయాప్సీ (Endometrial Biopsy) - ఎండోమెట్రియాల్ క్యాన్సర్ యొక్క రకాన్ని నిర్దారించడానికి  కొన్ని సూక్ష్మ కణజాల నమూనాలను మైక్రోస్కోప్ ద్వారా పరిశీలించిన చేస్తారు
• పెల్విక్ సిటి స్కాన్ (Pelvic CT Scan) - ఎండోమెట్రియాల్ క్యాన్సర్ దశను తెలుసుకోవడంలో సహాయపడుతుంది
• పాజిట్రాన్ ఎమిషన్ టోమోగ్రఫీ / సిటి స్కాన్ (Positron emission tomography/CT scan) - ఎండోమెట్రియల్ కణాల యొక్క వ్యాప్తిని అంచనా వేయడానికి

ముందుగానే గర్భాశయ క్యాన్సర్ గుర్తించినట్లయితే, సరైన చికిత్సతో నయం చేయవచ్చు. ఎండోమెట్రియాల్ క్యాన్సర్ కోసం చికిత్సా విధానాలు:

• శస్త్రచికిత్స - ఇది చికిత్స యొక్క మొదటి మార్గం. ప్రారంభ దశలోనే గుర్తించినట్లయితే, గర్భాశయం, అండాశయాలు మరియు ఫెలోపియన్ నాళాలు కూడా తొలగించబడతాయి
• రేడియేషన్ థెరపీ (Radiation Therapy) - ప్రొటాన్ కిరణాలు ఉపయోగించి క్యాన్సర్ కణాలను చంపుతారు. కణితులు పెద్ద పరిమాణంలో ఉన్నపుడు, రేడియేషన్ ఉపయోగించి కణితిని తగ్గించేలా చేసి తరువాత శస్త్రచికిత్స నిర్వహిస్తారు
• హార్మోన్ థెరపీ (Hormone Therapy) - నోటి ద్వారా తీసుకునే హార్మోన్ మాత్రలు ఇవ్వబడతాయి, ఇవి ప్రొజెస్టెరాన్ స్థాయిలను పెంచుతాయి లేదా ఈస్ట్రోజెన్ స్థాయిలను అణిచివేస్తాయి, తద్వారా కణితి కణాలను తగ్గిస్తాయి
• కెమోథెరపీ - నోటి ద్వారా తీసుకునే లేదా ఇంట్రావీనస్ (నరాలలోకి ఎక్కించే) కెమోథెరపీ ఏజెంట్లు క్యాన్సర్ కణాలను చంపడానికి ఉపయోగిస్తారు. కెమోథెరపీ మందులు కూడా కణితిని తగ్గించి, మరియు శస్త్రచికిత్స చేసి కణితిని తొలగించడానికి అనుకూలంగా చేస్తాయి  

1. Niederhuber JE, et al. Abeloff's Clinical Oncology. 5th ed. Philadelphia, Pa.: Churchill Livingstone Elsevie
2. American College of Obstetricians and Gynecologists (ACOG) Committee on Practice Bulletins — Obstetrics. ACOG Practice Bulletin No. 149: Endometrial Cancer. Obstetrics & Gynecology. 2015;125:1006
3. Lentz GM, et al. Neoplastic diseases of the uterus. In: Comprehensive Gynecology. 6th ed. Philadelphia, Pa.: Mosby Elsevier;2012
4. PDQ Adult Treatment Editorial Board. Endometrial Cancer Treatment (PDQ®): Patient Version. 2019 Jun 12. In: PDQ Cancer Information Summaries [Internet]. Bethesda (MD): National Cancer Institute (US); 2002-.
5. MedlinePlus Medical Encyclopedia: US National Library of Medicine; Uterine Cancer