ஐவிரலி விதைகள் நன்மைகள், பயன்கள் மற்றும் பக்க விளைவுகள் - Shivlingi Seeds (beej) Benefits, Uses and Side effects in Tamil

நீங்கள் ஆயுர்வேதத்தைப் பின்பற்றும் ஒருவராக இருந்தால், ஐவிரலி விதைகளின் மலட்டுத்தன்மை எதிர்ப்பு அற்புதங்களைப் பற்றி ஏற்கனவே கேள்விப்பட்டு இருப்பீர்கள். பாரம்பரிய மற்றும் நாட்டு மருத்துவங்கள், ஐவிரக் கொவ்வை விதைகளின் கருவுறுதல் தன்மையை அதிகரிக்கும் பண்புகளுக்காக, அதை உயர்ந்த மதிப்பைக் கொண்ட ஒரு இடத்தில் வைத்திருக்கின்றன. ஐவிரலி விதைகள், வெல்லம் மற்றும் துளசி ஆகியவற்றைக் கொண்டு தயாரிக்கப்படும் ஒரு கலவை, பெண்களுக்கு ஏற்படும் மலட்டுத்தன்மையைப் போக்குவதில் பயன்படுத்தப்படுகிறது. இது கருப்பை திசுக்கள் மீதான, ஐவிரலி விதைகளின் ஒரு சத்து மருந்து போன்ற விளைவை சுட்டிக் காட்டுகிறது.

மருத்துவர்களின் கூற்றுப் படி, தற்போதைய வாழ்வில், கருப்பை இருப்புகள் குறைதல் (டி.ஓ.ஆர்) பிரச்சினையானது, பெண்களுக்கு மலட்டுத்தன்மையை ஏற்படுத்தும் முக்கியமான காரணங்களில் ஒன்றாக மாறி வருகிறது. வழக்கமாக இது, கருப்பை நுண்குமிழ்கள் தரம் குறைந்தவையாக இருப்பதோடு தொடர்புடையதாக இருக்கிறது, மற்றும் பொதுவாக, 30 களின் ஆரம்பத்தில் அல்லது இறுதியில் பெண்கள் சந்திக்கின்ற ஒரு பிரச்சினையாக இருக்கிறது. இருந்தாலும், வாழ்க்கைமுறை மற்றும் உடலியல் போன்ற சில காரணிகளின் காரணமாக இளம்பெண்களுக்கும் இந்தப் பிரச்சினை ஏற்படக் கூடும். டி,எச்.இ.ஏ (டீஹைட்ரோபியான்ட்ரோஸ்டெரோன்) பிற்சேர்க்கைகள், ஆண்கள் மற்றும் பெண்கள் இரண்டு பாலினத்தவருக்கும் ஏற்படுகின்ற கருத்தரித்தல் தொடர்பான பிரச்சினைகளைப் போக்கப் பரவலாகப் பயன்படுத்தப்படுகின்றன. அது, கருப்பை நுண்குமிழிகள் மீது ஒரு வலிமையான தூண்டுதல் விளைவைக் கொண்டிருக்கின்ற, உடலில் உள்ள ஒரு ஹார்மோன் ஆகும். ஆய்வுகள், ஐவிரலி, டி,எச்.இ.ஏ மீது ஒரு அறியப்படாத விளைவைக் கொண்டிருப்பதன் மூலம் கருத்தரித்தல் திறனை அதிகரிக்கிறது எனத் தெரிவிக்கின்றன.

ஐ.ஓ.ஸ்.ஆர் -இன் செயல்முறை வேதியியல் இதழில் வெளியிடப்பட்ட ஒரு ஆய்வுக் கட்டுரை, ஐவிரலி விதைகள் குறைந்த இரத்த ஓட்டத்தைக் கொண்ட பெண்களுக்கு மாதவிடாய் சுழற்சியை இயல்பாக்க உதவுகிறது என்று தெரிவிக்கிறது. இருந்தாலும், மேலும் அந்தக் கட்டுரை, மாதவிடாயின் போது நீங்கள் அதிக அளவிலான இரத்தப்போக்கைக் கொண்டிருந்தால், ஐவிரலி விதைகளைத் தவிர்ப்பது நல்லது என்பதையும் குறிப்பிடுகிறது.

இந்தியாவில் உள்ள சில பிரபலமான பழங்குடி இனத்தவர்கள், ஐவிரலி விதைகள், அஸ்வகந்தா, மற்றும் பால் ஆகியவற்றை சேர்த்து, ஒரு கருக்கலைப்பு மருந்தாக பயன்படுத்தி இருக்கின்றனர். எனவே, ஐவிரலி விதைகளை எடுத்துக் கொள்ளும் சரியான வழியை அறிந்து கொள்ள, உங்கள் ஆயுர்வேத மருத்துவரிடம் ஆலோசனை பெறுவது எப்போது அறிவுறுத்தத்தக்கது ஆகும்.

ஐவிரலி விதைகளின் கருவுறு தன்மையை அதிகரிக்கும் நன்மைகள் பெண்களுக்கானது மட்டும் அல்ல, ஆண்களுக்கும் அதே அளவு திறன் வாய்ந்தது என அறியப்படுகிறது. எத்தனோபொட்டானிக்கல் (மனிதர்கள் அடிப்படையிலானது) ஆய்வுகள், ஐவிரலி விதைகள், ஆண்களுக்கு வீரியத்தை அதிகரிப்பதுடன், கூடவே டெஸ்டோஸ்டெரோன் அளவுகளையும் அதிகரிப்பதாக நம்பப்படுகிறது.

ஐவிரலி தாவரத்தின் மீதான அறிவியல் ரீதியிலான ஆய்வுகள் குறைவாக இருக்கின்றன. ஆனால், கருத்தரித்தல் மற்றும் பாலியல் செயல்பாட்டின் மீதான அதன் விளைவுகளைப் பற்றி மிகவும் விரிவாக ஆராயப்பட்டு இருக்கிறது. முன் மருத்துவ ஆய்வுகள், ஐவிரலி விதைகளின் பாலுணர்வைத் தூண்டும் விளைவுகளை உறுதி செய்கின்றன. மேலும் அந்த ஆய்வு, ஐவிரக் கொவ்வை விதைகளின் எத்தனால் சார்ந்த சாறுகள், விந்தணு எண்ணிக்கை, மற்றும் டெஸ்டோஸ்டெரோன் அளவுகளின் மீது ஒரு தூண்டுதல் விளைவைக் கொண்டிருக்கின்றன எனவும் தெரிவிக்கிறது. இது, ஐவிரலி விதைகளின் கருவுறு தன்மையைத் தூண்டும் நன்மைகளை பகுதியளவு உறுதிசெய்கிறது.

இருப்பினும், மனிதர்கள் மீதான ஆய்வுகள் இல்லாத காரணத்தால், ஐவிரலியின் இந்த நன்மையைப் பற்றி மேலும் அறிய, உங்கள் ஆயுர்வேத மருத்துவரிடம் செல்வது மிகவும் நல்லது ஆகும்.

(மேலும் படிக்க: டெஸ்டோஸ்டெரோன் பற்றாக்குறை அறிகுறிகள்)

ஐவிரலியின் மலமிளக்கும் விளைவுகள், பெரும்பாலான பாரம்பரிய மருத்துவ முறைகளில் அறியப்பட்டதாக, மற்றும் மதிப்பிற்குரியதாக இருக்கின்றன. ஐவிரக் கொவ்வை இலைகளால் தயாரிக்கப்பட்ட பசை, மலச்சிக்கலுக்கான ஒரு ஆயுர்வேத நிவாரணியாகப் பயன்படுத்தப்பட்டு வருகிறது. சித்த மருத்துவத்தில் முழு ஐவிரலி தாவரமும் ஒரு மலச்சிக்கல் நிவாரணியாகப் பயன்படுத்தப்படுகிறது.

இருந்தாலும், மலச்சிக்கலைக் குறைப்பதில் ஐவிரலியின் திறனைப் பரிசோதிக்கின்ற அறிவியல்பூர்வ ஆய்வுகள் இன்னமும் நிலுவையில் உள்ளன, ஆனால், ஐவிரலி விதைகள், குளுக்கோமன்னன் என அறியப்படும் இயற்கையாகத் தோன்றும் ஒரு வேதியியல் மூலக்கூறினை அதிக அளவில் கொண்டிருக்கின்றன என்பது கண்டறியப்பட்டு இருக்கிறது. குளுக்கோமன்னன்கள், ஒரு நீரில் கரைகின்ற நார்ச்சத்து என மருத்துவ ஆய்வுகள் தெரிவிக்கின்றன. அதாவது, அவை உங்கள் உணவுக்கு ஒரு திரட்சியைத் தருவதற்கு, மற்றும் மலத்தை இளக்குவதற்கு, உங்கள் குடலுக்குள் சேருகின்றன என அர்த்தம் ஆகும். இவ்வாறு அது ஒரு திறன்மிக்க மலமிளக்கியாக செயல்படுகிறது.

இதனை உறுதி செய்யக்கூடிய ஆதாரம் இல்லாத காரணத்தால், ஒரு மலச்சிக்கல் நிவாரணியாக ஐவிரலி விதைகளை எடுத்துக் கொள்வதற்கு முன்னால், ஒரு மருத்துவரிடம் ஆலோசனை பெறுமாறு நீங்கள்  மிகவும் திடமாக அறிவுறுத்தப்படுகிறீர்கள்.

ஐவிரலி தாவரத்தின் இலைகள் மற்றும் விதைகள், காய்ச்சலுக்கு சிகிச்சை அளிப்பதற்காக பாரம்பரிய மருத்துவத்தில் பயன்படுத்தப்படுகிறது. விலங்குகள் அடிப்படையிலான ஒரு ஆய்வு, ஐவிரலி விதைகளின் மெத்தனால் சாறுகள், மிகச் சிறந்த ஒரு காய்ச்சல் தணிக்கும் செயல்பாட்டைக் கொண்டிருக்கின்றன எனத் தெரிவிக்கிறது, மேலும் அது, சில பாரம்பரிய சிகிச்சை முறைகளில், ஆரோக்கியத்தை அதிகரிக்கும் ஒரு சத்து மருந்தாகவும் பயன்பாட்டில் இருந்து வருகிறது. ஆனால், காய்ச்சலுக்கான சிகிச்சைகளில் ஐவிரலியின் சரியான செயல்படும் முறை, அல்லது எடுத்துக் கொள்ள வேண்டிய சரியான அளவு ஆகியவற்றை உறுதி செய்ய, இது வரையில் எந்த ஒரு மருத்துவ ஆய்வுகளும் மேகொள்ளப்பட்டிருக்கவில்லை. எனவே, ஒரு காய்ச்சல் தணிப்பானாக ஐவிரக் கொவ்வையை எடுத்துக் கொள்ளும் முன்னர், உங்கள் ஆயுர்வேத மருத்துவரிடம் ஆலோசனை பெறுவது மிகவும் அறிவுறுத்தத்தக்கது ஆகும்.

ஐவிரலி விதைகளைத் தனியாகவோ, அல்லது ஒரு மூலிகைக் கலவையாகவோ எடுத்துக் கொள்வது, ஒரு ஆண் குழந்தையைக் கருத்தரிக்க உதவுகிறது என்பது ஒரு பாரம்பரியமான நம்பிக்கை ஆகும். ஆயினும், அறிவியல் பூர்வமாக, ஒரு குழந்தையின் பாலினம், அது பெறுகின்ற பாலின குரோமோசோம்கள் தொகுதியின் மூலமே தீர்மானிக்கப்படுகிறது. பெண்கள் இரண்டு எக்ஸ் (எக்ஸ் எக்ஸ்) குரோமோசோம்களைக் கொண்டிருக்கின்றனர். ஆண்கள் ஒரு எக்ஸ் மற்றும் ஒரு ஒய் குரோமோசோமைக் கொண்டிருக்கின்றனர். இந்த ஜோடிகளில் உள்ள ஒவ்வொரு குரோமோசோமும், எதிரே உள்ள  மற்ற இரண்டு குரோமோசோம்களில் எந்த ஒன்றுடனும் இணைவதற்கு சமமான வாய்ப்பு இருக்கின்றது. பெண்ணின் குரோமோசோம் ஜோடியில் இருந்து எக்ஸ் குரோமோசோம், ஆணின் ஒய் குரோமோசோம் உடன் இணையும் போது மட்டுமே, ஒரு ஆண் குழந்தை கருவுருகிறது. இது, செல்களின் மட்டத்தில் நடக்கின்ற, ஆண் மற்றும் பெண்ணின் புணரிகளின் (கருவுறுதல்) இணைப்பு நடைபெறும் நேரத்தில் ஏற்படும், ஒரு இயற்கையான செயல்முறை ஆகும்.

அதனால், எந்த வகை பிற்சேர்க்கைப் பொருள், மூலிகை, அல்லது  பிற வழிகளின் மூலம்,  ஒரு ஆண் குழந்தையைப் பெறுவது சாத்தியமற்றது ஆகும்.

(மேலும் படிக்க: எவ்வாறு கர்ப்பம் தரிப்பது)

ஒரு விவோ (விலங்குகள் அடிப்படையிலானது) ஆய்வு, ஐவிரலி விதைகளின் எத்தனால் சாறுகள், இரத்த சர்க்கரை அளவுகளைக் குறைபதில் மிகவும் உதவிகரமாக இருப்பதாகத் தெரிவிக்கிறது. இருப்பினும், மனிதர்களுக்கு ஐவிரலியின் நீரிழிவு எதிர்ப்பு திறனை உறுதி செய்ய, இதுவரை எந்த ஒரு மருத்துவரீதியிலான ஆய்வுகளும் மேற்கொள்ளப்படவில்லை. எனவே, நீரிழிவைக் கொண்ட நபர்கள், ஐவிரலியை எந்த ஒரு வடிவத்திலும் எடுத்துக் கொள்ளும் முன்னர், ஒரு ஆயுர்வேத மருத்துவரிடம் ஆலோசனை பெறுமாறு அறிவுறுத்தப்படுகிறது.

(மேலும் படிக்க: நீரிழிவுக்கான காரணங்கள்)

மருந்தியல் மற்றும் மருந்து தயாரிப்பு அறிவியலின் சர்வதேச இதழில் வெளியிடப்பட்ட ஒரு ஆய்வுக்கு கட்டுரையின் படி, ஐவிரலி விதைகள், சில கொழுப்புக்குறைப்பு (கொழுப்பு அளவுகளைக் குறைக்கிறது) திறனை வெளிப்படுத்தியதாகத் தெரிவிக்கிறது. மனிதர்களிடையே நடத்தப்படும் ஆய்வுகள் போதுமான அளவில் இல்லாத காரணத்தால், உடலின் கொழுப்பு அளவுகள் மீதான ஐவிரக் கொவ்வை விதைகளின் விளைவுகளைப் பற்றிப் புரிந்து கொள்ள, ஒரு ஆயுர்வேத மருத்துவரிடம் செல்வது மிகவும் நல்லது ஆகும்.

(மேலும் படிக்க: உயர் கொழுப்பு சிகிச்சை)

விட்ரோ ஆய்வுகள், ஐவிரலி தாவரத்தின் எத்தனால் சாறுகள், ஒரு பரவலான அளவிலான நுண்ணுயிரிகளுக்கு எதிராக, ஒரு திறன்மிக்க செயல்பாட்டினைக் கொண்டிருக்கிறது என சுட்டிக் காட்டுகின்றன. அந்த ஆய்வுகள், ஐவிரலி தாவர சாறு, எஸ்செரிச்சியா கோலி, ஸ்டாஃபிலோக்கோகஸ் அவுரஸ், ப்சொடோமொனாஸ் அவுரிஜினோஸா, பாசில்லஸ் சேரியூஸ், மற்றும் சால்மோனெல்லா டைப்பிமுரியம் போன்ற பொதுவான நோய்த்தொற்று உண்டாக்கும் நுண்ணுயிரிகளைக் கொல்வதில் மிகவும் திறன்வாய்ந்தது என்று தெரிவிக்கின்றன.

சமீபத்திய விட்ரோ ஆய்வுகள், மனிதர்களின் புற்றுநோய் செல்கள் மீதான, ஐவிரலி இலைகளின் புற்றுநோய் எதிர்ப்பு விளைவுகளைப் பற்றிக் குறிப்பிடுகின்றன. அந்த ஆய்வுகளில், ஐவிரலி இலைகளின் மெத்தனால் சார்ந்த, தண்ணீர் அடிப்படையிலான, குளோரோபார்ம் சாறுகள், வழக்கமான உடல் செல்களுக்குத் தீங்கு விளைவிக்காமல், புற்றுநோய் செல்கள் மீது மட்டும் வலிமையான சைட்டோடாக்ஸிக் விளைவைக் (மனிதர்களுக்கு உள்ள புற்றுநோய் செல்களைக் கொல்கிறது) காட்டியதாக அறிவிக்கப்பட்டது. மேலும், ஐவிரலி இலை சாறுகள், ஒரு நன்கு அறியப்பட்ட புற்றுநோய் எதிர்ப்பு மருந்தை விடவும், மிகவும் திறன்மிக்க புற்றுநோய் எதிர்ப்பு காரணிகளாக இருப்பதாகவும் தெரிவிக்கப்பட்டது.

ஐவிரலி, அழற்சியினால் ஏற்படும் பல்வேறு பிரச்சினைகளுக்கு ஒரு பாரம்பரியமான நிவாரணியாகப் பயன்படுத்தப்படுகிறது. பொதுவாக,வீக்கத்தின் கடுமையைக் குறைப்பதற்காக, ஐவிரலி இலைகளில் இருந்து தயாரிக்கப்படும் ஒருவித பசையானது, மேற்பூச்சாக சருமத்தில் தடவப்படுகிறது. மூலிகை அடிப்படையிலான மருந்துகளின் மீது, முக்கிய அலோபதி மருத்துவத்தின் கவனம் அதிகரித்து வருவதன் காரணமாக,, தினந்தோறும் மேலும் மேலும் அதிகமான மூலிகை சார்ந்த பிற்சேர்க்கை பொருட்கள், மற்றும் மருந்துகள் அறிமுகப்படுத்தப்பட்டு கொண்டிருக்கின்றன. இந்த நடைமுறையில், ஐவிரலியின் அழற்சி எதிர்ப்பு செயல்பாடும், ஆய்வகங்களில் பரிசோதனை செய்யப்பட்டு இருக்கிறது. விலங்குகள் அடிப்படையிலான ஆய்வுகள், ஐவிரலி இலைகளின் குளோரோபார்ம் சாறுகள், குறிப்பிடத்தக்க அழற்சி எதிர்ப்பு திறனைக் கொண்டிருக்கின்றது எனத் தெரிவிக்கின்றன.

ஐவிரலி தாவரத்தின் ஆஸ்துமா எதிர்ப்பு செயல்திறனைப் பரிசோதிக்க, விட்ரோ மற்றும் விவோ இரண்டு வகை ஆய்வுகளும் மேற்கொள்ளப்பட்டிருக்கின்றன. அவற்றில், இந்த விதைகளில் உள்ள 70% எத்தனால்  சார்ந்த சாறு, ஒவ்வாமை தொடர்பான ஆஸ்துமா ஏற்படும் அபாயத்தைக் குறைக்க மிகவும் உதவிகரமாக இருக்கின்றது எனக் கண்டறியப்பட்டது.

மேலும் அந்த ஆய்வுகள், அதே சாறுகள் ஒரு வலி நிவாரணியாக (வலியைப் போக்குகிறது) மற்றும் ஒரு வலிப்பு தடுப்பு மருந்தாக (ஜன்னி மற்றும் வலிப்பு ஏற்படும் அபாயத்தைக் குறைக்கிறது) செயல்படுகிறது எனவும் தெரிவிக்கின்றன. கூடுதலாக, ஐவிரலி சாறுகள், கிலோவுக்கு 3 கிராம் என்ற அளவில் வாய்வழியாகக் கொடுக்கப்படும் பொழுது, எந்த ஒரு நச்சுத்தன்மையையும் ஏற்படுத்தவில்லை எனவும் கூறப்பட்டு உள்ளது.

கிழக்கத்திய மருந்தியல் மற்றும் செயல்முறை சார்ந்த மருத்துவம் என்ற இதழில் வெளியிடப்பட்ட ஒரு ஆய்வுக் கட்டுரையின் படி, ஐவிரலியின் ஆஸ்துமா எதிர்ப்பு பண்புகள், அந்த தாவரத்தில் உள்ள அழற்சி குறைப்பு புளோவோனாய்டுகள் (இயற்கையாகத் தொன்று ஒரு வேதியியல் மூலக்கூறு) காரணமாக இருக்கக் கூடும் என்று கூறுகிறது. மனிதர்களுக்கு ஏற்படும் ஆஸ்துமா பிரசினையில், ஐவிரலியின் சரியான செயல்படும் முறை, மற்றும் நச்சுத்தன்மை,ஏதேனும் இருந்தால், ஆகியவற்றைப் புரிந்து கொள்ள இன்னும் அதிக ஆய்வுகள் தேவையாக இருக்கின்றன.