பசு நெய்யின் நன்மைகள், பயன்கள் மற்றும் பக்க விளைவுகள் - Cow Ghee Benefits, Uses and Side Effects in Tamil

பசு நெய் ஊட்டச்சத்து மற்றும் வைட்டமின்கள் நிறைந்த ஆதாரமாக உள்ளது. இந்த நெய்யில் உள்ள கொழுப்பு அமிலத்தன்மை மிகவும் ஈரப்பதம் கொண்ட ஒன்றாக அறியப்படுகிறது. எனவே, பசு நெய்யின் மேற்பூச்சு பயன்பாடு தோலுக்கு நீரேற்றம் அளிப்பது மட்டுமலாமல் அது உங்கள் தோலுக்கு ஊட்டமளித்து அதை மென்மையான மற்றும் மிருதுவானதாக தன்மையுடயதாக மாற்றுகிறது.

கூடுதலாக, பசு நெய் பல வயது குறைப்பான் குணங்களை கொண்டுள்ளது என்று நம்பப்படுகிறது. இதனை தொடர்ந்து பயன்படுத்துவதால் உங்களை இளைஞர்களாக தோற்றமளிக்க செய்வதோடு புத்துணர்வுடனும் வைத்திருக்கும்.

நீங்கள் ஒரு எடை குறைப்பு செயல்பாட்டில் ஈடுபட்டு இருந்தால், நீங்கள்  அனைத்து வகையான கொழுப்பு உணவுகளையும் கண்டாலே ஓடுவீர்கள். நீங்கள் கொழுப்புக்களை உண்ணுவதை நிறுத்தி விட்டால், நீங்கள் மெலிந்து போவீர்கள் என்று பொதுவாக நம்பப்படுகிறது. பெரும்பாலான எடை இழப்பு திட்டங்களில் முக்கிய கவலை உடலில் கூடுதல் கொழுப்பை எரிப்பதே ஆகும். பசு நெய் எடை இழப்புக்கான வீட்டுப் மருந்து என பிரபலமாக அறியப்படுகிறது. ஆனால், விஞ்ஞான ஆய்வுகள் என வரும்போது, மாடு நெய்யின் எடை இழப்பு பற்றிய நன்மைகள் பற்றி அதிகப்படியாக நிரூபிக்க முடியாது.

நெய்யின் எடை இழப்பு பண்புகளுக்கு பொறுப்பான முக்கிய கலவையாக சி.எல்.ஏ. கொழுப்புகள் (இணைந்த லினோலிக் அமிலம்) அறியப்படுகிறது. எடை இழப்புத் திட்டங்களில் சி.எல்.ஏ.யின் செயல்திறனை சோதிப்பதற்கான பல ஆய்வுகள் செய்யப்பட்டுள்ளன, ஆனால் அந்த முடிவுகளில் சர்ச்சைகள் இல்லாமல் இல்லை.

இரண்டு வெவ்வேறு மறுஆய்வு கட்டுரைகளின்படி, ஒரு நாளைக்கு 3 கிராம் நெய் நுகர்வு உடல் எடை மற்றும் கொழுப்பைக் குறைப்பதில் சில விளைவுகளை ஏற்படுத்தும் என அறியப்படுகிறது. எனினும், இந்த ஆய்வு முடிவின் இறுதியில் போதுமான அளவு உடல் எடையில் மாற்றம் எதுவும் ஏற்பட்டதாக ஏற்றுக்கொள்ளப்படவில்லை. மேற்கொண்டு செய்யபட்ட மருத்துவ சோதனை, உணவு முறையில் சி.எல்.ஏ. சேர்த்துகொள்ளப்படால் உடல் பருமன் கொண்ட மக்களின் உடல் பருமனிலும், பி.எம்.ஐ.-யிலும் எந்த விளைவையும் கொண்டிருக்கவில்லை என பரிந்துரைக்கிறது. ஆனால், சில சந்தர்ப்பங்களில் இடுப்பு சுற்றளவில் சிறிதளவு குறைப்பு ஏற்பட்டது என்பது குறிப்பிடத்தக்கது. உறுதியான சான்று இல்லாத இந்த நிலையில், உங்கள் டாக்டரிடம் பசுவின் நெய்யின் சாத்தியமான எடை குறைப்பு நன்மைகளைப் பற்றி பேசுவது சிறந்தது.

(மேலும் வாசிக்க: உடல் பருமன் ஏற்படுவதற்கான காரணங்கள்)

இதய நோய்களுக்கு பசு நெய்யின் நன்மை என வரும்போது, அதற்கு உறுதியான ஆதாரங்களை வழங்குவது கடினம். விவோ ஆய்வில், நெய்யின் நுகர்வு, உடலில் உள்ள உயர் அடர்த்தி (நல்ல) கொழுப்பை அதிகரிக்கலாம், இதையொட்டி இதய தமனியில் FSF (ஃபைப்ரின் சமச்சீர் காரணி)-யின் அளவு குறையலாம் என பரிந்துரைக்கிறது. உயர் இரத்த அழுத்தத்தின் காரணமாக கொரோனரி தமனிகள் வெளியிடும் ஒரு புரதம் FSF ஆகும். FSF-யை குறைப்பதால், பசு நெய் இரத்த அழுத்தத்தை குறைக்க பயன்படலாம் என குறிப்பு தெரிகிறது. 

(மேலும் வாசிக்க: உயர் இரத்த அழுத்தத்தின் அறிகுறிகள்)

சமீபத்தில் மருத்துவ ஆய்வில், உணவில் நெய் சேர்த்துக்கொள்ளப்படுவதால் சீரத்தில் உள்ள  HDL-C (நல்ல கொழுப்பு) அதிகரிப்பதோடு, உடலில் டிரிகிளிசரைட்களின் (ஒரு கொழுப்பு வகை) அளவு குறைக்கிறது என தெரிய வந்துள்ளது. ட்ரைகிளிசரைடுகள் ஒரு வகையான இயற்கை கொழுப்புகள் ஆகும். அவை இதய நோய்களுடனும், இறப்புக்களுடனும் நீண்ட காலமாக தொடர்புபட்டவை.

(மேலும் வாசிக்க: உயர் கொழுப்பு சிகிச்சை)

உடலில் HDL கொழுப்பு அதிகரிப்பு நேரடியாக மாரடைப்பு மற்றும் பக்கவாதம் போன்ற இதய பிரச்சினை அதிகரிப்புகள் ஏற்பட காரணமான ஆத்தொரோக்ளெரோசிஸ் (தமனிகளில் உள்ள தகடு உருவாக்கம்) ஏற்படும் வாய்ப்பு குறைவதோடு தொடர்புடையது. . இருப்பினும், மனித உடலில் நெய்யின் நடவடிக்கை மற்றும் சாத்தியமான பக்க விளைவுகளை கண்டறிய இன்னும் ஆய்வுகள் தேவைப்படுகின்றன. நீங்கள் எந்தவொரு இதய பிரச்சனையால் பாதிக்கப்பட்டிருந்தாலும், நீங்கள் எவ்வளவு அளவு பசு நெய் சேர்த்து கொள்ளலாம் என்பதை உங்கள் ஆயுர்வேத டாக்டரிடம் கேட்டு அறிந்து கொள்வது நல்லது.

பசு நெய் பாரம்பரியமாக பல்வேறு இரைப்பை குடல் பிரச்சினைகளுக்கு ஒரு பயனுள்ள தீர்வு என்று அறியப்படுகிறது. ஆயுர்வேத டாக்டர்களின் கூற்றுப்படி, பசு நெய் வயிற்றின் உட்புற புறணிக்கு ஒருசிறந்த ஈரப்பதமளிக்கும் காரணி ஆகும்.

பசு பால் என்பது ப்யூரிக் அமிலத்தின் (ஒரு சிறிய சங்கிலி கொழுப்பு அமிலம்) அறியப்பட்ட ஆதாரமாக உள்ளது. ப்யூரிக் அமிலம், நுண்ணுயிரி அல்லது நச்சுகள் உடலில் பரவுவதற்கான அபாயத்தை குறைக்கக்கூடிய குடல் தொற்று தடுப்பான்களை வலுவூட்டுகின்றது என்பதை ஆய்வுகள் தெரிவிக்கின்றன. மேலும் ஆய்வுகள் குடல் செல்களின் வளர்ச்சி, குடல் மற்றும் குடல் நுண்ணுயிர்களின் பெரிஸ்டேடிக் (அலை) இயக்கம் ஆகியவற்றில் ப்யூரிக் அமிலத்திற்கு ஒரு முக்கிய பங்கு உண்டு என்று கூறுகின்றன.

புண்கள், அழற்சி குடல் நோய்கள் மற்றும் பெருங்குடல் அழற்சி போன்ற பொதுவான குடல் பிரச்சினைகள் மீது அழற்சி எதிர்ப்பு விளைவை சமச்சீர் செய்வதற்கும் இது அறியப்படுகிறது. இருப்பினும், மனித வயிற்றில் பசு  நெய்யின் குணப்படுத்தும் விளைவுகளை நிரூபிக்க எந்த மருத்துவ ஆதாரமும் இல்லை. எனவே, மனிதர்களுக்கு பசு நெய்யின் நன்மைகளைப் பற்றி மேலும் அறிய உங்கள் ஆயுர்வேத வைத்தியரிடம் பேசுவதே சிறந்தது.

(மேலும் வாசிக்க: வயிற்றில் அமிலத்தன்மை ஏற்பட காரணங்கள்)

பாரம்பரியமாக, பசு நெய் குழந்தைகளுக்கு ஒரு சிறந்த எண்ணெய் ஆதாரமாகவும், மசாஜ் எண்ணெய்யாகவும் கருதப்படுகிறது.  நரம்பியல் மற்றும் மூளை நோய்களில் உயிரியக்க ஊட்டச்சத்து மருந்துகள் மற்றும் உணவு துணை புத்தகத்தின் படி, நெய் ஒரு சிறந்த கேரியர் எண்ணெய் ஆகும்.

இது தோலிற்குள் உறிஞ்சப்பட்டு, உடல் செல்களை வந்தடைந்து அதற்கு உள்ளே செல்லலாம். இதனால், பல்வேறு சத்துக்கள் மற்றும் மூலிகைக் கூறுகளை குழந்தையின் தோலிற்குள் கொண்டு செல்ல ஒரு வாகனமாக இது பயன்படுத்தப்படுகிறது. கூடுதலாக, நெய் என்பது டிஹெச்ஏ மற்றும் ஒமேகா -3 கொழுப்புகளின் அறியப்பட்ட ஆதாரமாக இருக்கிறது. இது குழந்தைகளின் மூளை செயல்பாட்டின் வளர்ச்சிக்கு முக்கியமான ஒன்றாகும். எனினும், இந்த கோட்பாடுகள் அல்லது அதன் பக்க விளைவுகளை சோதிக்கும் எந்த மருத்துவ ஆய்வுகளும் மனிதர்களில் இல்லை. உங்கள் குழந்தைக்கு சிறந்தது என்ன என்பதை உங்கள் மருத்துவரிடம் கேட்டு தெரிந்து கொள்வது அவசியம்.

பசு நெய் பல்வேறு கண் பிரச்சினைகளின் சிகிச்சைக்கு நன்கு அறியப்பட்ட ஒரு ஆயுர்வேத தீர்வு. ஆயுர்வேத மருத்துவர்களின் படி, பசு நெய் ஒரு சிறந்த மசகு எண்ணெய் ஆகும். இதனால், கணினி பார்வை நோய்க்குறி-க்கு(சி.வி.எஸ்) இது மிகவும் பயனுள்ளதாக இருக்கிறது. கணினி பார்வை நோய்க்குறி என்பது நீண்ட நேரம் கணினி உபயோகிப்பதால் கண்கள் உலர்ந்து போவது மற்றும்  கண்களில் அரிப்பு ஏற்படுவது போன்றவை ஆகும்.

(மேலும் வாசிக்க: உலர்ந்த கண்ணிற்கு சிகிச்சை)

கூடுதலாக, பசு நெய் வைட்டமின்கள் மற்றும் ஆக்ஸிஜனேற்றிகள் நிறைந்த ஒரு மூலமாகும். இதுவே நெய்யை ஒரு சிறந்த டானிக் மற்றும் கண்களுக்கு ஏற்ற ஒரு சிகிச்சைமுறை முகவராக மாற்றுகிறது. நெய்யை  திரிபலா மற்றும் தேன் உடல் கலந்து இரவில் சாப்பிடுவது கண்களுக்கு மிகவும் பயனுள்ளதாக கருதப்படுகிறது.

ஒரு  இன் விவோ ஆய்வின் படி, நெய் நுகர்வு கல்லீரலில் இருந்து பித்த கொழுப்பின் சுரப்பியை தூண்டுகிறது. இதன் விளைவாக, விலங்கு மாதிரிகளில் குறிப்பிட்ட அளவு சீரம் கொழுப்பு குறைந்து காணப்பட்டது. இதேபோல், நெய் உட்கொள்வது சீரம்-ல் உள்ள மொத்த கொழுப்பு அளவைக் குறைப்பதில் சில விளைவை ஏற்படுத்தும் என்று சமீபத்திய மருத்துவ ஆய்வு தெரிவிக்கிறது.

இருப்பினும், பசு நெய் அதிகபட்ச கொழுப்பு மற்றும் நிறைவுற்ற கொழுப்புகள் நிறைந்த ஒன்று என அறியப்படுகிறது. எனவே, நீங்கள் அதிக கொலஸ்டிரால் நோயால் பாதிக்கப்பட்டிருந்தால், பசு நெய் எடுத்துக் கொள்வதற்கு முன்பு உங்கள் ஆயுர்வேத டாக்டரிடம் ஆலோசனை பெற வேண்டும்.

பாரம்பரிய மற்றும் ஆயுர்வேத மருத்துவ முறை அதன் காயம் ஆற்றும் பண்புகளுக்காக பசு நெய்யை பயன்படுத்தி வருகிறது.

பசு நெய் மற்றும் கற்றாழை ஆகியவற்றால் செய்யப்பட்ட ஒரு மருந்து, கீறல் (மேலோட்டமான காயங்கள்) மற்றும் உள் (ஆழமான திசு) காயங்களை குணப்படுத்துவதில் மிகவும் பயனுள்ளதாக இருக்கிறது என விலங்கு மாதிரி சோதனைகள் தெரிவிக்கின்றன.

இது கொலாஜன் வளர்ச்சி, புதிய திசு உருவாக்கம் மற்றும் காயம் மூடப்படும் நேரம் ஆகியவற்றின் அடிப்படையில் குறிப்பிடப்பட்டுள்ளது. கூடுதலாக, இந்த ஜெல்லின் காயம் குணப்படுத்தும் திறன் பொதுவான மேற்பூச்சு கிரீம்களை போலவே இருக்கிறது என பரிந்துரைக்கப்பட்டது.

நெய் DHA (ஒரு வகை கொழுப்பு) மற்றும் ஒமேகா -3 கொழுப்புகளின் ஒரு நல்ல ஆதாரம் என்று ஆய்வுகள் தெரிவிக்கின்றன. இந்த கொழுப்பு அமிலங்கள் மூளையின் முக்கியமான பகுதியாகின்றன.

 மருந்தியல் ஆராய்ச்சி என்ற ஒரு கட்டுரையின் படி, நினைவகம் மற்றும் அறிவாற்றல் போன்ற முக்கியமான மூளை செயல்பாடுகளுக்கு DHA பொறுப்பெற்கிறது. பொதுவாக மூளையில் குறைந்த அளவு டிஹெச்ஏ, அல்சீமர் நோய் மற்றும் டிமென்ஷியா போன்ற  நரம்பியல் குறைபாடுகளுடன் தொடர்புபடுத்தப்படுகின்றன.  

ஆயுர்வேதத்தில், பசு நெய் அறிவாற்றல் மற்றும் நினைவகத்தை மேம்படுத்த உதவுவதாக அறியப்படுகிறது. இருப்பினும், இது விலங்கு ஆய்வுகளால் உறுதி செய்யப்படவில்லை. எனவே, ஒரு மூளையின் தூண்டு முகவராக நெய்யின் திறனை புரிந்து கொள்ள  உங்கள் ஆயுர்வேத டாக்டரிடம் பேசுவது சிறந்தது.

விலங்கு ஆய்வுகள் CLA நிறைந்த நெய் கல்லீரலில் ஆக்ஸிஜனேற்றிகளின் அளவை அதிகரிக்கிறது என்று கூறுகின்றன. மேலும் இது கடுகு எண்ணெயை விட நல்ல இரத்தச் சர்க்கரைக் குறைப்பான் என்று கூறப்பட்டது .

கூடுதலாக, நெய்யின் நுகர்வு எச்டிஎல் கொழுப்பு அளவை கணிசமாக அதிக அளவிற்கு எடுத்துச் செல்கிறது என்று குறிப்பிட்டது.

மொத்தமாக, தமனிகளில் கொழுப்பு நச்சுத்தன்மை அதிகரிப்பு மற்றும் பிளேக் உருவாக்கம் ஆகியவற்றின் அபாயத்தை இந்த பண்புகள் குறைக்கிறது. இதனால் இதய ஆரோக்கியத்திற்காக பசு நெய்யை ஒரு சிறந்த கொழுப்பு மாற்றீடான ஆக்குகிறது. இருப்பினும், நெய்யைப் பயன்படுத்துவதற்கு முன்பு மருத்துவரிடம் நீங்கள் பரிந்துரை பெருவது எப்போதுமே நல்லது.

இரத்த சர்க்கரை அளவைக் குறைப்பதில் நெய்யின் வலிமையைக் கூறும் பல ஆதாரங்கள் உள்ளன என்றாலும், அவற்றை உறுதிப்படுத்துவதற்கு அறிவியல் சான்றுகள் இல்லை.

இருப்பினும், நெய்யில் சிறிய மற்றும் சங்கிலி கொழுப்புகள் அதிகமாக இருப்பதுடன், மோனோ மற்றும் பல நிறைவுறா கொழுப்பு அமிலங்களின் நல்ல மூலமாகும்.

ஒரு ஆய்வு கட்டுரை படி, இந்த அனைத்து கொழுப்புகளுக்கும் குடல் ஹார்மோன் GLP-1 மீது ஒரு தூண்டல் விளைவு உள்ளது. GLP-1, உடலில் இன்சுலின் வெளியீட்டை தூண்டுவதால் இரத்த குளுக்கோஸ் அளவைக் குறைக்க வழிவகுக்கிறது. இருப்பினும், இது ஒரு கோட்பாட்டினை வரையறுக்க அதிகமாகவோ அல்லது குறைவாகவோ இருக்கிறது. இதை நிறூபிக்க மேலும் சான்று அடிப்படையிலான ஆய்வுகள் தேவைப்படுகிறது.

(மேலும் வாசிக்க: நீரிழிவு அறிகுறிகள்)

ஆயுர்வேதத்தில் பசு நெய் முடிக்கு பல நன்மைகள் செய்வதாக அறியப்படுகிறது. முதலில், இது ஒரு சிறந்த மாய்ஸ்சரைசர் ஆகும், இது உங்கள் உச்சந்தலையை ஈரப்பதமாக வைத்திருந்து, உலர் மற்றும் அரிப்பு தோல் அறிகுறிகள் ஏற்படாமல் தணிக்கிறது. இரண்டாவதாக, இது ஒரு சிறந்த கேரியர் எண்ணெய் ஆகும், இதன் அர்த்தம் நீங்கள் பசுவின் நெய்யுடன் பல மூலிகைகளை சேர்த்து மசாஜ் எண்ணெய் வடிவில் பயன்படுத்தலாம்.

(மேலும் வாசிக்க: உச்சந்தலையில் அரிப்பு ஏற்பட காரணங்கள்)

இந்த மூலிகைகள் உங்கள் உச்சந்தலையில் சிறப்பாக உறிஞ்சப்படுவது மட்டும் அல்லாது, அவை உங்கள் உச்சந்தலை மற்றும் முடி ஆரோக்கியத்தை மேம்படுத்த ஒரு செல்லுலார் அளவில் வேலை செய்யும். இறுதியாக, பசு நெய்யில் அதிக அளவில் உள்ள வைட்டமின் ஏ  மற்றும் மற்ற சத்துக்கள் ஒரு சிறந்த முடி டானிக்-காக இதை வேலை செய்ய வைக்கிறது. எனவே, பசு நெய்யை பயன்படுத்துவதால் உங்கள் மயிர்க்கால்களுக்கு ஊட்டமளிப்பது மட்டும் அல்லாது, உங்களுக்கு பளபளப்பான மற்றும் பரட்டை அற்ற முடியை வழங்கும்.

புற்றுநோய் வரும் முன் காப்பு மற்றும் ஆபத்து குறைப்பு தொடர்பான பசு நெய் சார்ந்த உணவு திறன் பண்புகளை சோதிக்க பல ஆய்வுகள் செய்யப்பட்டுள்ளன. மார்பக புற்றுநோய் வளர்ச்சியைக் குறைப்பதில் சோயா எண்ணை விட பசு நெய் மிகவும் திறமையானதாக இருப்பதாக அத்தகைய ஆய்வு ஒன்று தெரிவிக்கிறது.

கல்லீரலில் புற்றுநோய் வளர்சிதை மாற்றத்தைத் துவங்குவதற்கு பொறுப்பான சைட்டோக்ரோம் p450 (புரதம்) செயலை பசு நெய் முடக்குகிறது என்று மேலும் ஆய்வுகள் தெரிவிக்கின்றன. இருப்பினும், மனித ஆய்வுகள் இல்லாத நிலையில், புற்றுநோய்களுக்கு எதிரான பசு நெய்யின் செயல் திறன் பற்றி அறிய  உங்கள் ஆயுர்வேத வைத்தியரிடம் பேசுவதே சிறந்தது.