குறைந்த இரத்த அழுத்தம் - Low Blood Pressure (Hypotension) in Tamil

பெரும்பாலானவர்களுக்கு, அழுத்தத்தில் ஒரு சிறிய இறக்கம் என்பது தற்காலிகமானது, எந்தவித அறிகுறிகளும் காட்டாது, அல்லது லேசான தலைசுற்றலை ஏற்படுத்தும். ஆயினும், அடிக்கடி ஏற்படும் இரத்த அழுத்த இறக்கங்கள் அல்லது கடுமையான குறிகள் மற்றும் அறிகுறிகள், ஒரு மறைமுகமான ஆரோக்கியம் சார்ந்த ஆபத்தை சுட்டிக் காட்டுகின்றன. குறைந்த இரத்த அழுத்தத்தின் குறிகள் மற்றும் அறிகுறிகள் இவற்றை உள்ளடக்கியது:

• தலைசுற்றல்.
• லேசான தலை போன்ற உணர்வு.
• பார்வை மங்குதல்.
• சோர்வு.
• நிதானமின்மை.
• பலவீனம்.
• குளிர்ச்சியான மற்றும் ஈரமான தோல்.   
• மயக்கம்.

இரத்த அழுத்தம் கடுமையாக குறைந்தால், அது அதிர்ச்சி எனக் குறிப்பிடப்படும் உயிருக்கு அச்சுறுத்தலான சூழ்நிலையை உருவாக்கக் கூடும். அது போன்ற நிலைகளில் குறிகளும் அறிகுறிகளும் லேசாக வேறுபடும்  மற்றும் மிகவும் தீவிரமானவை. அவை பின்வருமாறு:

• குழப்பம் (முதியவர்களுக்கு மிகத் தீவிரமாக இருக்கும்).
• வேகமாகவும் மேலோட்டமாகவும் மூச்சு விடுதல். (மேலும் படிக்க - மூச்சுத்திணறல்)
• பலவீனமான மற்றும் வேகமான நாடித்துடிப்பு.
• தோல் வெளிறி, குளிர்ச்சியாக மற்றும் ஈரமாக மாறுதல்.

வழக்கமாக அதிர்ச்சி  என்பது, உடனடி சிகிச்சை தேவைப்படும் ஒரு அவசர நிலை ஆகும்.

வழக்கமாக, குறைந்த இரத்த அழுத்தம் கவனிக்கப்படாதது, மேலும் எந்தவித பெரிய அறிகுறிகளையும் காட்டாது அல்லது லேசான அறிகுறிகளைக் காட்டுகிறது, ஆகையால் அரிதாகவே சிகிச்சை தேவைப்படுகிறது. ஆயினும், அறிகுறிகள் தொடர்ச்சியாக இருந்து மற்றும் ஒரு மறைமுக காரணம் இருந்தாலோ, அந்தக் காரணத்தை அறிந்து அதற்கான சிகிச்சையை அளித்தால் பிரச்சினை தீர்க்கப்படுகிறது. ஏதேனும் மருந்து உட்கொள்ளுவதால் குறைந்த இரத்த அழுத்தம் ஏற்பட்டால், அந்த மருந்தை மாற்றுவது அல்லது அளவுகளில் மாற்றம் செய்வது வழக்கமாக பிரச்சினையைத் தீர்க்கும்.

குறைந்த இரத்த அழுத்தத்துக்கான காரணம் தெளிவாக இல்லை என்றால், சிகிச்சையின் நோக்கம் இரத்த அழுத்தத்தை உயர்த்தி அதைப் பராமரிப்பது மற்றும் குறிகள் மற்றும் அறிகுறிகளைக் குறைப்பதாக இருக்கிறது. பொதுவான வழிகாட்டுதல்கள் இவற்றை உள்ளடக்கியது:

• நீங்கள் உப்பு உட்கொள்ளும்
  அளவை அதிகரியுங்கள். அது இரத்தத்தின் திரவ அடர்த்தியை அதிகரிக்கிறது, அதனால் அழுத்தம் அதிகரிக்கிறது.

• அதிக திரவ பானங்களை அருந்துங்கள்.
  தண்ணீர் அதிகம் உட்கொள்ளுவது உப்பை அதிக அளவு உட்கொள்ளுவதைப் போன்றே வேலை செய்கிறது; இது திரவ அடர்த்தியை அதிகரிக்கிறது, அதன் விளைவாக அழுத்தம் அதிகரிக்கிறது..

• உங்கள் மருத்துவரால் பரிந்துரைக்கப்படும் மருந்துகளை உட்கொள்ளுங்கள்.
  உங்கள் மருத்துவர்  ஃபிளட்ரோகார்டிஸோன் அல்லது மிடோட்ரைன் போன்ற மருந்துகளை இரத்த அழுத்தத்தை அதிகரிக்க உதவுவதற்கு பரிந்துரைக்கலாம்.. இவை, பொதுவாக தொடர்ந்து ஏற்படும் குறுகிய நிலை குறைந்த இரத்த அழுத்த சிகிச்சையில் பயன்படுத்தப்படுகின்றன.

• இறுக்கமான ஆடைகளையும் காலுறைகளையும் அணியுங்கள்.
  இறுக்கமான ஆடையும் காலுறைகளும்,  இரத்தத்தை தேக்கி வைக்கும் என அறியப்படும் உங்கள் கால் கெண்டைச்சதையை இறுக்குவதால் இரத்தத்தை அங்கே தேங்க அனுமதிக்காது, இவ்வாறு அதை திரும்ப சுழற்சிக்குத் தள்ளி அழுத்த நிலைகளை அதிகரிக்கிறது.

இரத்த அழுத்தம் என்பது, இரத்த நாளங்களின் (தமனிகள்) சுவர்களில் இரத்தம் செலுத்தப்படும் அழுத்தமாகும். இதயத் துடிப்பின் போது, இரத்தத்தின் வேகத்தின் காரணமாக ஏற்படும் அழுத்தம் ஆகும். இரத்தம் உந்தி செலுத்தப்படும் போது ((இதயம் சுருங்கும் நிலை அழுத்தம்) அழுத்தம் அதிகமாகவும், அதே போன்று இதயம் விரிவடையும் கட்டத்தில் (இதயம் விரியும் நிலை அழுத்தம்) குறைவாகவும் இருக்கும். இரத்த அழுத்தம் ஸ்பிக்மோமானோமீட்டர் என்ற ஒரு கருவியால் அளவிடப்படுகிறது. ஒரு வயது வந்தவரின் இயல்பான இரத்த அழுத்தம் 120 (இதயம் சுருங்கும் நிலை)/80 (இதயம் விரியும் நிலை) ஆக உள்ளது.

குறைந்த இரத்த அழுத்தம் ஹைப்போடென்ஷன் (ஹைப்போ-குறைந்த டென்ஷன்-அழுத்தம்) எனவும் அழைக்கப்படுகிறது. இரத்த அழுத்தம் எச்ஜிக்கு 90/60 எம்எம் அல்லது அதற்கும் குறைவாக இருக்கும் ஒரு நிலையில் பெரும்பான்மையான மக்களுக்கு இது வழக்கமான, பாதிப்பில்லாத, கண்டுபிடிக்கக் கூட முடியாதது. சிலருக்கு லேசான தலைசுற்றல் அல்லது மயக்கம் ஏற்படலாம், ஆனால் ஒருவேளை அது தீவிரமடைந்தால், உயிருக்கு அச்சுறுத்தல் ஏற்படுத்தும் சூழ்நிலையை உருவாக்கலாம்.

குறைந்த இரத்த அழுத்தம், நீர் வற்றிப்போதல் முதல் தீவிர  அறுவை சிகிச்சை அல்லது மருத்துவ நிலைகளை போன்ற பல்வேறு நிலைமைகளை உருவாக்கக் கூடும். சிகிச்சையில், ஏதேனும் மறைமுகமான காரணம் இருந்தால் அதற்கு சிகிச்சை அளிப்பதில் கவனம் செலுத்தப்படும். அதனால், குறைந்த இரத்த அழுத்ததுக்கான காரணத்தைக் கண்டுபிடிப்பதே, அதற்கு வெற்றிகரமாக சிகிச்சை அளிப்பதன் முதல் படி.  ஆக, குறைந்த இரத்த அழுத்தத்துக்கான காரணங்கள் என்ன? அதை எப்படி நாம் சமாளிப்பது? குறைந்த இரத்த அழுத்தத்தை பற்றித் தெரிந்து கொள்ள மேலும் படிக்கவும்.