ఊపిరితిత్తుల క్యాన్సర్ - Lung Cancer in Telugu

ఊపిరితిత్తుల క్యాన్సర్ యొక్క లక్షణాలు ఛాతీలోనూ అలాగే మిగిలిన శరీరంలోనూ చూడవచ్చు.

అవి సంవత్సరాల తర్వాత ప్రబలుతాయి మరియు పరిస్థితి యొక్క అడ్వాన్సుడ్ దశ వరకు స్పష్టంగా ఉండకపోవచ్చు. ఛాతీలో కనిపించే ఊపిరితిత్తుల క్యాన్సర్ యొక్క లక్షణాలు క్రింది విధంగా ఉంటాయి:

• హేమోప్టిసిస్ (దగ్గినపుడు రక్తం పడటం) లేదా కఫం రంగు మరియు పరిమాణంలో మార్పు.
• పునరావృత న్యూమోనియా (గాలి సంచులలో వాపు లేదా మంట మరియు ద్రవం చేరడం) లేదా బ్రోంకైటిస్ (శ్వాస వాహికలలో వాపు, ఇది ఊపిరితిత్తులకు గాలి తీసుకువెళుతుంది).
• ఛాతి నొప్పి.
• స్ట్రైడర్ (శ్వాసలో శబ్దాలు చేయడం).
• శ్వాస ఆడకపోవుట.
• భుజం నొప్పి.
• దగ్గుతున్నప్పుడు తెలియని భాగాలలో నొప్పి.

క్యాన్సర్ ఊపిరితిత్తులకు మించి వ్యాపించినప్పుడు, మిగిలిన శరీరంలో క్రింది లక్షణాలను చూడవచ్చు:

• బలహీనత.
• క్యాచెక్సియా (తీవ్ర అనారోగ్యం వలన కండరాలను వృధా చేయడం).
• రక్తం గడ్డకట్టడం మరియు రక్తస్రావం.
• ముఖం మరియు మెడ మీద వాపు.
• గాయాలు లేదా ప్రమాదాలు లేకుండా ఎముకలలో పగుళ్లు.
• ఎముక మరియు కీళ్ళ నొప్పి.
• జ్ఞాపక శక్తి కోల్పోవడం.
• అలసట.
• అసమతుల్య నడక.
• తలనొప్పి.
• ఒక స్పష్టమైన కారణం లేకుండా బరువు కోల్పోవడం.

క్యాన్సర్ రకం మరియు దశల ఆధారంగా ఊపిరితిత్తుల క్యాన్సర్­కు చికిత్స చేయడం జరుగుతుంది. ఊపిరితిత్తుల క్యాన్సర్ చికిత్సకు కింది పద్ధతులు ఉపయోగిస్తారు:

స్మాల్ సెల్ లంగ్ క్యాన్సర్

• స్మాల్ సెల్ లంగ్ క్యాన్సర్ యొక్క చికిత్స భావన అనేది క్యాన్సర్ లక్షణాలను తగ్గిస్తుంది మరియు జీవిత కాలాన్ని మెరుగుపరుస్తుంది. చికిత్స నియమావళిలో కీమోథెరపీ మరియు రేడియోథెరపీ లేదా రెండిటి కలయిక ఉంటుంది.
• స్మాల్ సెల్ లంగ్ క్యాన్సర్ తరచుగా శరీరం యొక్క మిగిలిన భాగంలో వ్యాపిస్తుంది కాబట్టి, శస్త్రచికిత్స అనేది ఒక చికిత్స ఎంపికగా పరిగణించబడదు. అయితే, మిగిలిన శరీర భాగాలకు వ్యాప్తి చెందటానికి ముందు క్యాన్సర్ గుర్తించబడితే శస్త్రచికిత్స చేయబడుతుంది.
• శస్త్రచికిత్సకు గురైన వారిలో క్యాన్సర్ పునరావృత ప్రమాదాన్ని తగ్గించడానికి, రేడియోథెరపీ మరియు/ లేదా కీమోథెరపీ ఇవ్వబడుతుంది.

నాన్-స్మాల్ సెల్ లంగ్ క్యాన్సర్

శరీరంలో క్యాన్సర్ ప్రభలడంపై ఆధారపడి నాన్-స్మాల్ సెల్ లంగ్ క్యాన్సర్ చికిత్సను మార్చవచ్చు. క్రింది నీయబడినవి నాన్ స్మాల్ సెల్ లంగ్ క్యాన్సర్ యొక్క మూడు స్థాయిలు కాగా, ఈ చికిత్స యొక్క ప్రోటోకాల్ మారుతుంది:

• ఒక ఊపిరితిత్తి మాత్రమే ప్రభావితమయినప్పుడు
  ఊపిరితిత్తి నుండి క్యాన్సర్ కణాలను తీసివేయడానికి శస్త్రచికిత్స చేయవచ్చు. క్యాన్సర్ కణాలను నాశనం చేయడానికి శస్త్రచికిత్స తర్వాత కూడా కీమోథెరపీ యొక్క కోర్సు కూడా అందించబడుతుంది, ఇది శరీరంలో ఎక్కడైనా ఉండవచ్చు.
• క్యాన్సర్ ఒక మోస్తరుగా వ్యాప్తి చెందినప్పుడు
  క్యాన్సర్ వ్యాపిస్తే శస్త్రచికిత్స సాధ్యం కాకపోవచ్చు. రేడియోథెరపీతో పాటు కీమోథెరపీ ఇవ్వవచ్చు లేదా క్యాన్సర్ కణాల అవశేషాలను నాశనం చేయడానికి రేడియోథెరపీ మాత్రమే అందించబడుతుంది.
• క్యాన్సర్ విస్తృతంగా వ్యాపించినప్పుడు
  క్యాన్సర్ చాలా ఎక్కువగా వ్యాపించినప్పుడు కీమోథెరపీ సిఫార్సు చేయబడింది. రేడియోథెరపీ లేదా శస్త్రచికిత్స ఈ దశలో సాధ్యo కాదు. కీమోథెరపీ యొక్క మునుపటి కోర్సు తర్వాత క్యాన్సర్ పెరుగుతూ ఉంటే కీమోథెరపీ కోర్సు పునరావృతo చేయబడుతుంది.

ఊపిరితిత్తుల క్యాన్సర్ యొక్క కొన్ని కేసుల చికిత్సలో, కీమోథెరపీ బదులుగా బయోలాజికల్ థెరపీలు చేస్తారు. అవి ట్యూమర్ సెల్స్ పెరుగుదలను నియంత్రించడంలో సహాయపడతాయి. కొన్ని సందర్భాల్లో కీమోథెరపీ స్థానంలో టార్గెటెడ్ చికిత్సలు కూడా చేయబడతాయి.

శస్త్రచికిత్సా పద్ధతులు

ఊపిరితిత్తుల క్యాన్సర్ చికిత్సలో శస్త్రచికిత్సా ఎంపికలు:

• న్యూమోనెక్టమీ
  న్యుమోనెక్టమి క్యాన్సర్ వల్ల ప్రభావితమయ్యే ఊపిరితిత్తిని తొలగించే ఒక శస్త్రచికిత్సా ప్రక్రియ. క్యాన్సర్ అధునాతన దశలో ఉంటే మరియు సాధారణంగా ఊపిరితిత్తుల ప్రధాన భాగాలకు వ్యాపిస్తే ఈ శస్త్రచికిత్స చేయబడుతుంది
• లోబెక్టమీ
  రోగ ప్రభావిత ఊపిరితిత్తులలో లోబ్స్ అని పిలువబడే చిన్న భాగాలు శస్త్రచికిత్సల ద్వారా తొలగించబడతాయి.
• సెగ్మెoటక్టమీ
  ఊపిరితిత్తుల క్యాన్సర్ యొక్క కొన్ని సందర్భాల్లో మాత్రమే సెగ్మెoటక్టమీ ఉపయోగిస్తారు. క్యాన్సర్ ఊపిరితిత్తుల లంబికలోని ఒక చిన్న విభాగానికి పరిమితమై ఉన్నప్పుడు, చిన్నదిగా ఉన్నప్పుడు ఈ శస్త్రచికిత్స చేయబడుతుంది. ఈ శస్త్రచికిత్సలో క్యాన్సర్­ ప్రభావిత ఊపిరితిత్తి యొక్క చిన్న భాగం తొలగించబడుతుంది. సెగ్మెoటక్టమీ శస్త్రచికిత్స అనేది సాధారణంగా నాన్- స్మాల్ సెల్ లంగ్ క్యాన్సర్ యొక్క ప్రారంభ దశలో నిర్వహించబడుతుంది. ఈ శస్త్రచికిత్సకు మరో పేరు వెడ్జ్ రిసెక్స్­న్.
• స్లీవ్ రెసిక్షన్స్
  ఈ ప్రక్రియలో పెద్ద వాయునాళిక స్త్రచికిత్స ద్వారా తొలగించబడుతుంది. న్యుమోనక్టోమిపై ఈ శస్త్రచికిత్స కూడా చేసే అవకాశం ఉన్నప్పుడు మెరుగైన ఊపిరితిత్తుల పనితీరు సాధించడం లేదా కాపాడడం సాధ్యo అవుతుంది.

వైద్యులు ఊపిరితిత్తుల క్యాన్సర్ శస్త్రచికిత్సలను చేసే ముందు స్పైరోమెట్రీ, ఎలెక్ట్రో కార్డియోగ్రామ్ మరియు ఇతర ఫిట్­నెస్ పరీక్షలను నిర్వహిస్తారు.

క్యాన్సర్ అనేది శరీరంలోని కణాలు ఒక అనియంత్రిత పద్ధతిలో పెరిగే ఒక స్థితి. ఊపిరితిత్తుల క్యాన్సర్ల విషయంలో, ఈ అసాధారణ పెరుగుదల ఊపిరితిత్తులలోనే సంభవిస్తుంది లేదా శరీరం యొక్క మరొక భాగం నుండి ఊపిరితిత్తులకు క్యాన్సర్ కణాల వ్యాప్తి చెందుతుంది.

భారతదశంలో, కొత్త క్యాన్సర్ కేసుల్లో, 6.9% మంది ఊపిరితిత్తుల క్యాన్సర్ కలిగి ఉంటున్నారు మరియు పురుషులు మరియు మహిళల్లో 9.3% మంది క్యాన్సర్ కారణంగా మరణిస్తున్నారు. చెన్నై, బెంగళూరు మరియు ఢిల్లీ నగరాల్లో ఊపిరితిత్తుల క్యాన్సర్ కేసుల సంఖ్య పెరిగింది.