బెల్స్ పాల్సి ముఖ పక్షవాతం - Bell's Palsy in Telugu

బెల్స్ పాల్సి ముఖ పక్షవాతం అంటే ఏమిటి?

బెల్స్ పాల్సి  ముఖ పక్షవాతం అనేది ఒక వైపు ముఖ కండరాలు బలహీనంగా మారడం లేదా పక్షవాతానికి గురిఅయ్యే  ఒక రకమైన ముఖ పక్షవాతం. ఈ కండరాలకు సరఫరా అయ్యే ముఖ నరాలు దెబ్బతినడం వలన ఇది ఏర్పడుతుంది. అయినప్పటికీ, కండరాలు తాత్కాలికంగా మాత్రమే ప్రభావితమవుతాయి, మరియు ఈ పరిస్థితి చికిత్సతో పూర్తిగా పరిష్కారమవుతుంది .

దాని ప్రధాన సంకేతాలు మరియు లక్షణాలు ఏమిటి?

• బెల్స్ పాల్సిలో సాధారణంగా ముఖంలో ఒక వైపు కండరాలు మాత్రమే ప్రభావితం అవుతాయి. కేసుల్లో దాదాపు 1% లో మాత్రమే, ప్రభావం ద్వైపాక్షికంగా ఉంటుంది.

• ముఖ నరాలచే నియంత్రించబడే కదలికలు ప్రభావితమయ్యాయి. రోగులు కళ్ళు రెప్పలు మూయడం, తెరవడంతో కష్టపడతారు, ప్రభావిత వైపున నోరు తెరవడం, నవ్వడం మరియు నమలడంలో ఇబ్బంది పడతారు.

• ముఖంలో ఆ వైపున, ముఖ్యంగా దవడ మరియు తలలలో నొప్పి ఉండవచ్చు.

• కండరాల బలహీనత కారణంగా నోటి మూలలో నుండి ఉమ్మి జారిపోతుంది మరియు కనురెప్పలు వేలాడిపోతాయి.

• నాలుక ముందు భాగంలో రుచి అనుభూతిని కూడా ప్రభావితం చేయవచ్చు.

బెల్స్ పాల్సికి ప్రధాన కారణాలు ఏమిటి?

బెల్స్ పాల్సికి ఖచ్చితమైన కారణం తెలియదు; అయినప్పటికీ, అనేక వైరల్ సంక్రమణలు ప్రేరేపిస్తాయి అని చెప్పబడుతున్నాయి. వీటిలో హెర్పెస్ సింప్లెక్స్ (herpes simplex), హెర్పెస్ జోస్టర్ (herpes zoster), హెచ్ఐవి (HIV), సైటోమెగలోవైరస్ (cytomegalovirus) మరియు ఎప్స్టీన్ బార్ వైరస్ (Epstein Barr virus) ఉన్నాయి.

ఈ వ్యాధికి ప్రమాద కారకాలు:

• మధుమేహం
• గర్భం, ముఖ్యంగా మూడవ త్రైమాసికంలో
• వ్యాధి ఉన్న కుటుంబ చరిత్ర

గాయం, వాపు లేదా ముఖ నరాలకు హాని కలిగించే ఏదైనా కారణం ముఖ పక్షవాతానికి దారి తీస్తుంది.

ఎలా నిర్ధారించాలి మరియు చికిత్స ఏమిటి?

నిర్ధారణకు, భౌతిక మూల్యాంకనంతో పాటు ఇమేజింగ్ మరియు రక్త పరీక్షలు కూడా అవసరం.

• వైద్యులు లక్షణాల ఆధారంగా ముఖాన్ని పరిశీలిస్తారు, మరియు కనురెప్పలు వాలిపోవడం, లాలాజలము జారిపోవడం, వంటి సంకేతాలను తనిఖీ చేస్తారు.
• ఎంఆర్ఐ (MRI) లేదా సిటి (CT)స్కాన్ వంటి ఇమేజింగ్ పద్ధతులు ముఖ నరాల యొక్క స్థితిని చూడటానికి సహాయం చేస్తాయి.
• వైద్యులు వైరల్ సంక్రమణను (infection) అనుమానించినట్లయితే, దానిని నిర్ధారించడానికి రక్త పరీక్షఅవసరమవుతుంది.
• అఘాతం, లైమ్ వ్యాధి మరియు మెదడు కణితులు వంటి ఇతర సమస్యలను మినహాయించి రోగనిర్ధారణ అనేది ఉంటుంది.

బెల్స్ పాల్సికి సంబంధించిన చికిత్స గుర్తించిన కారణాలు లేదా ప్రమాద కారకాలపై ఎక్కువగా ఆధారపడి ఉంటుంది.

• కోర్టికోస్టెరాయిడ్స్ (corticosteriods) ఈ స్థితికి చికిత్స చేయడానికి ఉపయోగించే ప్రామాణిక మందులు. అవి 6 నెలల వ్యవధిలో ఉపశమనం కల్పిస్తాయి. అయినప్పటికీ, ఈ సమస్య మొదట్లో స్టెరాయిడ్లతో చికిత్స ప్రారంభించటం చాలా ముఖ్యం.
• వైరస్ కారణం అని అనుమానించబడితే, యాంటీవైరల్ మందులు ఇవ్వబడతాయి.
• మందులతో పాటు, ఫిజియోథెరపీ ద్వారా కండరాల వ్యాయామాలు కూడా సూచించబడతాయి.
• తీవ్రమైన సందర్భాల్లో, నాడి అణిచివేయబడిన లేదా గాయంతో ప్రభావితం ఐనా, శస్త్రచికిత్సా విధానం ముఖ పక్షవాతానికి ఉపశమనం కలిగించవచ్చు.
• ఈ పరిస్థితి కొన్ని నెలలలో పరిష్కరించబడుతుంది అరుదుగా పునరావృతమవుతుంది.

1. The New England Journal of Medicine .Early Treatment with Prednisolone or Acyclovir in Bell's Palsy. Massachusetts Medical Society
2. Science Direct (Elsevier) [Internet]; Herpes simplex virus as cause of bell's palsy
3. Zaki MA, Elkholy SH, Abokrysha NT, Khalil AS, Nawito AM, Magharef NW, Kishk NA. Prognosis of Bell Palsy: A Clinical, Neurophysiological, and Ultrasound Study. J Clin Neurophysiol. 2018 Nov;35(6):468-473. PMID: 30387782
4. Healthdirect Australia. Bell’s palsy. Australian government: Department of Health
5. National institute of neurological disorders and stroke [internet]. US Department of Health and Human Services; Bell's Palsy Fact Sheet