தோல் நோய்த்தொற்றுகள் - Skin Infections in Tamil

தோல் நோய்த்தொற்றுகள் என்றால் என்ன?

தோல் என்பது உடல் முழுவதும் உருவாகும் ஒரு வெளிப்புற பாதுகாப்பு அடுக்கு ஆகும்.அதாவது, இது நம் சுற்றுச்சூழலில் உள்ள அனைத்து காரணிகளுக்கும் வெளிப்படுகிறது - வேதிப்பொருள், பாக்டீரியா, மற்றும் பல காரணிகள்.சில சமயங்களில் அதிகப்படியான வெளிப்பாட்டிற்கு தோல் முற்படுகிறது.

இதன் முக்கிய தாக்கங்கள் மற்றும் அறிகுறிகள் யாவை?

இதன் காரணத்தின் அடிப்படையில் அறிகுறிகள் அமைந்தாலும், தோல் நோய்த்தொற்றுக்காண பிரத்யேக அறிகுறிகள் சில இருக்கின்றன.அவை பின்வருமாறு:

• அழற்சி காரணமாக சிவத்தல் மற்றும் அரித்தல்.
• தோல் வறண்டு மற்றும் மென்மையாக காணப்படுதல்.
• முற்றிய நிலையில் தோலில் இருந்து இரத்தப்போக்கு அல்லது சீழ் வடிதல்.
• நோய்தொற்று நீடித்தால், தோலில் சிறிய கொப்புளங்கள் மற்றும் தடிப்புகள் காணப்படலாம்.
• மெதுவாக தோல் தனது அடுக்குகளை உதிர்த்து உள்ளிருக்கும் கருநிற அடுக்குகளை வெளிப்படுத்துகிறது மற்றும் இதனால் தோல் நிறம் மாறியதாக தென்படுகிறது.
• சில நோய்த்தொற்று வகைகளில் தோல் செதில்கள் போல மாறும் வாய்ப்புள்ளது.

இதன் முக்கியக் காரணங்கள் என்ன?

தோல் நோய்த்தொற்று என்பது பின்வரும் நுண்ணுயிரி (பாக்டீரியா), நச்சுயிரி (வைரஸ்) மற்றும் பூஞ்சை போன்ற உயிரிகளால் உண்டாகிறது;

• ஹெர்பெஸ் சோஸ்டர் எனப்படும் அக்கி அம்மை போன்று நச்சுயிரிகள் தோல் நோய்த்தொற்றை உண்டாக்குகின்றன. உதாரணமாக., தட்டம்மை மற்றும் அக்கி. மனித பாபிலோமா வைரஸ், பாலுண்ணிகள் போன்ற நோய்த்தொற்றுகளை உண்டாக்குகின்றன.
• சீழ்க்கொப்புளம் மற்றும் பல்வாய்ப்பிளவை போன்ற தோல் நோய்த்தொற்றுகளையும் தோலடி நார்த்திசுவீக்கம் மற்றும் தொழுநோய் போன்ற தீவிர நோய்த்தொற்றுகளையும் நுண்ணுயிரி (பாக்டீரியா) உண்டாக்குகின்றன.ஸ்டாபிலோகோகஸ்/வட்ட நுண்ணுயிரி எனப்படும் நுண்ணுயிரியே பொதுவாக தோல் நோய்த்தொற்றுகளை உண்டாக்குகின்றன.
• பூஞ்சைசார் நோய்த்தொற்றில் படை, இரு திரிபுக் காளான் நோய் மற்றும் அத்லெட்ஸ் ஃபீட் எனப்படும் சேற்றுப்புண் ஆகியவை அடங்கும். பூஞ்சைசார் நோய்த்தொற்றுகள் பொதுவாக நகம் மற்றும் நகக்கண்களையும் பாதிக்கின்றன.

இது எப்படி கண்டறியப்பட்டு சிகிச்சையளிக்கப்படுகிறது?

• ஒவ்வொரு நோய்த்தொற்றும் ஒரு குறிப்பிட்ட தொலியல்சார் படத்தைக் கொண்டிருக்கும், பல சமயங்களில் இதன் அடிப்படையில் தான் நோயறிதல் செயல்முறை செய்யப்படுகிறது.
• உடல் பரிசோதனைக்குப் பின, தோல் காயம் பகுதியின் ஒரு மாதிரி திசு ஆய்வுக்கு எடுக்கப்படலாம்.
• இரத்த ஆய்வு மூலமாகவும் உடலில் நோய்த்தொற்று இருப்பதை உறுதிசெய்யலாம்.

சிகிச்சை 

• லேசான தோல் நோய்த்தொற்றுகள் சில வாரங்களில் தானாகவே சரியாகின்றன.
• நுண்ணுயிர் தோல் நோய்த்தொற்றுக்கு நுண்ணுயிர்கொல்லிகள் பயன்படுத்தப்படுகின்றன.இவை மேலோட்டமாக, வாய் வழியாக அல்லது சிரை வழியாகவும் பல சமயங்களில் தரப்படுகின்றன.
• அதேபோல, பூஞ்சைசார் நோய்த்தொற்றுக்கு ஸ்ப்ரே/தெளிப்பான், ஜெல்/கூழ்மம், கிரீம்/குழைமம் அல்லது மாத்திரை வடிவில் பூசண எதிர்ப்பி மருந்துகள் தரப்படுகின்றன.
• வீக்கத்தை குறைக்க வீக்க நீக்கி மருந்துகள் தரப்படுகின்றன.
• நோய்த்தொற்றுப் பரவிவதைத் தடுக்க, நோயாளிகள் மற்ற நபர்களுடன் நேரடி தொடர்புகொள்வதைத் தவிர்க்க வேண்டும் மற்றும் விரைவான சிகிச்சைப்பலனுக்கு தனிப்பட்ட சுகாதாரத்தை நன்றாக பராமரிப்பது அவசியம்.

1. Hani U et al. Candidiasis: a fungal infection--current challenges and progress in prevention and treatment.. Infect Disord Drug Targets. 2015;15(1):42-52. PMID: 25809621
2. El Hayderi L,Nikkels-Tassoudji N,Nikkels AF. Incidence of and Risk Factors for Cutaneous Scarring after Herpes Zoster.. Am J Clin Dermatol. 2018 Dec;19(6):893-897. doi: 10.1007/s40257-018-0385-2. PMID: 30151702
3. MedlinePlus Medical Encyclopedia: US National Library of Medicine; Skin Infections.
4. Aly R. Microbial Infections of Skin and Nails. In: Baron S, editor. Medical Microbiology. 4th edition. Galveston (TX): University of Texas Medical Branch at Galveston; 1996. Chapter 98.
5. National Health Service [Internet]. UK; Fungal skin and nail infections: diagnosis and laboratory investigation guide for primary care.