Download App
बेजेल म्हणजे काय?
बेजेल ला बेजेल ट्रॅपेनेमा बॅक्टरीयामुळे होणारा संसर्गजन्य रोग आहे. ह्यामध्ये आणि सिफिलिस बॅक्टेरियम मध्ये दाट संबंध आहे आणि या अवस्थेस एंडेमिक सिफलिस देखील म्हणतात. आशियाई आणि आफ्रिकन देशांमध्ये हा जास्त आढळून येतो तर अमेरिकेत हा दुर्मिळ आहे. मुलांवर याचा प्रौढांपेक्षा जास्त परिणाम होतो.
सिफिलीस सारखा, हा लैंगिकरित्या संक्रमित होत नाही तर थेट संपर्क आल्यास किंवा वस्तू शेअर केल्यास का पसरतो.
याची मुख्य चिन्हे आणि लक्षणे काय आहेत?
- रोगाची सुरुवात तोंडात छोटे चट्टे किंवा गळू येऊन होते.
- हे नंतर हातावर आणि पायावर पसरतात.
- हाता पायाचे हाडं दुखण्यास सुरुवात होते, आणि गंभीर प्रकरणांमध्ये ते वाकडे सुद्धा होऊ शकतात.
- हाडं आणि तोंडांमध्ये गाठी येतात, मुख्यतः टाळूवर. या गाठींना, गम्मा म्हणतात, जी हाडं वाकडी करतात आणि त्यांचा नाश करतात.
- लिम्फ नोड्सवर सूज देखील बघितली जाऊ शकते.
याची मुख्य कारणं काय आहेत?
- बेजेल ट्रेपोनेमा नावाच्या बॅक्टरीयामुळे होतो. हे सूक्ष्मजीव ज्या जीवाणुंमुळे सिफलिस होतो, त्याच ट्रेपेनेमा पॅलिडम नामक गटातील आहेत.
- हा अलैंगिक संपर्काद्वारे प्रसारित होतो आणि शुष्क, अस्वच्छ परिस्थितीत राहणार्या मुलांमध्ये ते सर्वात सामान्य आहे.
याचे निदान आणि उपचार कसे केले जातात?
बेजेल चे निदान इतिहास आणि मायक्रोस्कोप द्वारे तपासणी करून केले जाते.
- बेजेल चे निदान करण्यासाठी पालकांचा भौगोलिक इतिहास खूप महत्वाचा आहे. कारण आशिया, आफ्रिका आणि भूमध्य प्रदेशात या संसर्गाचे रुग्ण जास्त असण्याची शक्यता आहे.
- विशिष्ट अशा डार्क फील्ड मायक्रोस्कोप द्वारे बॅक्टरीया शोधण्यासाठी जखम तपासली जाते.
- कौटुंबिक इतिहासाची आणि मुलाच्या जीवनशैलीची माहिती निदानास मदत करते.
- रुग्णास बीजेल झाला आहे की सिफलिस हे नक्की करण्यासाठी, रुग्णाचा संपूर्ण इतिहास आणि वैद्यकीय तपासणी आवश्यक आहे. कारण दोन्ही चे जीवाणू मायक्रो स्कोप खाली समान दिसतात.
उपचारांमध्ये अँटीबायोटिक्सचा वापर करून संसर्ग नियंत्रित केला जातो.
- मानक औषधं पेनिसिलिन जी आहे, जे इंट्रामस्क्यूलरली दिले जाते.
- पेनिसिलिनची ॲलर्जी असणा-या रुग्णांना, डॉक्सिसायक्लिन किंवा अझिथ्रोमायसिन सारखे इतर अँटीबायोटिक्स दिले जाऊ शकतात.पण, सर्व औषधे डॉक्टरांनी निर्धारित केल्याप्रमाणे घेतली पाहिजेत विशेषतः गर्भवती महिलांनी.
- संसर्ग पूर्णपणे नष्ट करण्यासाठी कुटुंबातील सर्व मुलांचा उपचार करणे आवश्यक आहे.
