జిలకర/జీలకర్ర విత్తనాల ప్రయోజనాలు, ఉపయోగాలు మరియు దుష్ప్రయోజనాలు - Benefits, Uses, and Side Effects of Cumin seeds (Jeera) in Telugu

జీలకర్ర, అజీర్తి, గ్యాస్ మరియు కడుపు పూతల వంటి చాలా రకాల సాధారణ జీర్ణాశయ-సంబంధ (కడుపు లేక గ్యాస్ట్రిక్) సమస్యలకు జిలకర ఓ సంప్రదాయ మందు. జంతువులపై జరిపిన  అధ్యయనాల ప్రకారం, జీలకర్ర యొక్క సాధారణ సేవనంవల్ల క్లోమగ్రంధు (ప్యాంక్రియాస్ ) ల నుండి జీర్ణ ఎంజైములు (లేక రాసాయనికామ్లద్రవము, ఫేనకద్రవము) స్రవించదానికి ఉద్దీపన ప్రభావాన్ని చూపుతుందని సూచిస్తున్నాయి.

అలిమెంటరీ ఫార్మకాలజీ అండ్ థెరాప్యూటిక్స్ లో ప్రచురించిన ఒక సమీక్ష వ్యాసం ప్రకారం, పెర్షియన్ జీలకర్ర లేదా కరేవ్ విత్తనాలు యాంటి-డిస్స్పెప్టిక్ (అజీర్ణాన్ని తగ్గించే) లక్షణాలు కలిగి ఉన్నాయని అనేక వైద్య అధ్యయనాలు సూచించాయి. అయినప్పటికీ, ఈ విషయంలో మరింత భద్రతాపరమైన జాగ్రత్తలతో వ్యవహరించడానికి తదుపరి అధ్యయనాలు చాలా అవసరం.

(మరింత సమాచారం: కడుపు తిప్పు చికిత్స)

“టేలర్ మరియు ఫ్రాన్సిస్ జర్నల్” లో ప్రచురితమైన మరొక సమీక్షలో విట్రో (ల్యాబ్-ఆధారిత) అధ్యయనం వివరించిన ప్రకారం జీలకర్ర నుండి తీసిన పదార్ధాలు సాధారణంగా కడుపులో  పుండుకు కారణమయ్యే బాక్టీరియా, “హేలికాబాక్టర్ పైలోరి”ని చంపడంలో శక్తివంతమైనవి. ఈ బాక్టీరియా యొక్క యాంటీబయాటిక్ నిరోధక జాతులపై జీలకర్ర సమర్థవంతంగా పనిచేస్తుందని కూడా చెప్పబడింది.

అయినప్పటికీ, ఈ విషయమై మనుషులపై అధ్యయనాలు లేనందున మీరు ఎలాంటి కడుపు-సంబంధమైన సమస్యలకు జీలకర్రను ముందుగా తీసుకోవటానికి ముందు మీ వైద్యుడిని సంప్రదించి సలహా పొందాల్సిందిగా మీకు సూచించడమైంది.

(మరింత సమాచారం: కడుపు నొప్పి ఉపశమనం)

జీలకర్ర ఓ సమర్థవంతమైన శిలీంద్ర నాశిని (యాంటీ-ఫంగల్) మరియు విషక్రిమినాశిని (యాంటీ బాక్టీరియల్) అని అధ్యయనాలు సూచిస్తున్నాయి. సాధారణమైన చర్మ-సంబంధమైన మరియు నెత్తి చర్మానికి సంబంధించిన అంటువ్యాధులకు కారణమయ్యే శిలీంద్రాలను జీలకర్ర సమర్థవంతంగా చంపేస్తుందని నివేదించబడింది. అదనంగా, జీలకర్ర యొక్క అనామ్లజనక లక్షణాల కారణంగా ఇది చర్మాన్ని యవ్వనయుతంగా ఉంచడంలో బాగా పనిచేస్తుంది. ఇంకా, జీలకర్ర జుట్టుకు సహజమైన కాంతిని మరియు బలాన్ని ఇస్తుంది.  

అందమైన ముఖవర్చస్సు కోసం మరియు చర్మసౌందర్యం కోసం జీలకర్రతో ముఖంపై (facemasks) పూతలు వేయడం మరియు మర్దనలు (scrubbings) చేయడం జరుగుతోంది.  అయితే, మీ చర్మం లేదా జుట్టు కోసం జీలకర్రని ఉపయోగించే ముందు మీ చర్మం రకం మీద జీలకర్ర యొక్క ప్రభావాల గురించి ముందుగా అధ్యయనం చేయడం ఎల్లప్పుడూ మంచిది.

సంప్రదాయ వైద్య విధానాలు మరియు ఆయుర్వేద వైద్య వ్యవస్థలో జీలకర్రను చనుబాలు సంవర్ధినిగా పేర్కొనడం జరిగింది. .

గ్రీన్ ఫార్మసీ: న్యూ డిస్కవరీస్ ఇన్ హెర్బల్ రెమెడీస్ ఫర్ కామన్ డిసీసెస్ (Greenpharmacy: New discoveries in herbal remedies for common diseases) అనే ఓ గ్రంథం ప్రకారం, ఆహారంతో పాటు  జీలకర్ర సేవనం వల్ల క్షీర కణాల (రొమ్ము కణాలు) సంఖ్య పెరుగుదలకు దారితీస్తుంది. అయినప్పటికీ, జీలకర్ర యొక్క సామర్థ్యాన్ని నిరూపించడానికి మనుషులపై నిర్వహించిన వైద్య అధ్యయనాలు అందుబాటులో లేవు. కాబట్టి, పసిపిల్లల తల్లులు జీలకర్రను ఏ రూపంలోనైనా సరే తీసుకునే ముందు వాఋ ఆయుర్వేద వైద్యుడిని సంప్రదించాలని సూచించడమైంది.

సంప్రదాయ ఔషధ పధ్ధతి జీలకర్రను ఓ ఒత్తిడి నివారిణా మూలికగా ణిగా  గుర్తించింది. ఆమ్లత్వం మరియు ఒత్తిడి సంబంధిత లక్షణాలపై పోరాటంలో జీలకర్ర సమర్థవంతమైనదని జంతువులపై జరిపిన అధ్యయనాలు పేర్కొన్నాయి. జీలకర్ర యొక్క సాధారణ సేవనం జ్ఞాపకశక్తి మరియు జ్ఞానమును మెరుగుపర్చడానికి సహాయపడుతుందని అధ్యయనాల్లో చెప్పబడింది.

(మరింత సమాచారం: ఒత్తిడికి కారణాలు)

విట్రో అధ్యయనాల ప్రకారం, అల్జీమర్స్ వ్యాధి యొక్క లక్షణాలను తగ్గించడంలో జీలకర్ర  ఉపయోగపడుతుంది. అల్జీమర్స్ వ్యాధి అంటే జ్ఞాపక శక్తిని పూర్తిగా కోల్పోవడం, ఆహారం తీసుకోక పోవడం, మాటలు అర్థం చేసుకోలేక పోవడం, నడవలేక పోవడం, మెదడు క్రమరాహిత్యం  వగైరాలున్న వ్యాధి. .

వైద్యుల ప్రకారం, ఈ వ్యాధి మెదడులో కణాంతర సిగ్నలింగ్ కు కారణమయ్యే అసిటైల్కోలిన్ వంటి రసాయనాల నిరోధం ద్వారా పురోగమిస్తుంది. అల్జీమర్స్ చికిత్సకు ఔషధాల యొక్క ప్రస్తుత ఎంపిక ఖరీదైనది కాదు కానీ ఆ మందులు గ్యాస్ట్రిక్ అసౌకర్యం, ఆందోళన వంటి కొన్ని దుష్ప్రభావాలను కూడా కలుగజేస్తాయి. జీలకర్ర పదార్ధాల సేవనం  మెదడులో ఎసిటైల్కోలిన్ మొత్తాన్ని పెంచవచ్చని సూచించడమైంది. ఆ విధంగా, అల్జీమర్స్ యొక్క లక్షణాలను జీలకర్ర విలంబం చేస్తుంది. అయితే, జీలకర్రను గురించిన వైద్య (క్లినికల్) అధ్యయనాలు లేనందున మెదడు పనితీరును మెరుగు పర్చుకోవడం కోసం జీలకర్రను సేవించాలనుకుంటే మీరు మీ యొక్క మీ డాక్టర్తో మాట్లాడటం మంచిది.

జీలకర్ర యొక్క అనామ్లజని/ప్రతిక్షకారిని సంభావ్యతను అనేక ప్రయోగశాల అధ్యయనాలు పరీక్షించాయి, అలా పరీక్షించిన అధ్యయనాలన్నీ కూడా జీలకర్రను ఓ అద్భుతమైన అనామ్లజని/ ప్రతిక్షకారిణి అని సూచించాయి.

జీలకర్రలో ఉన్న “పాలీఫెనోల్స్” అనే పదార్ధం కారణంగా ఈ మసాలాదినుసు అనామ్లజని (యాంటీఆక్సిడెంట్)గా మారడానికి కారణమని ఇటీవలి ఓ అధ్యయనం వాదిస్తోంది. జీలకర్ర చమురులో ఉన్న అత్యంత శక్తివంతమైన ప్రతిక్షకారిణి గామా-టెర్పినిన్ అని మరో పరిశోధన సూచిస్తుంది. జీలకర్ర నూనె యొక్క అనామ్లజని (యాంటీఆక్సిడెంట్) గుణం ఆహార పరిశ్రమలో ఆహార ఉత్పత్తుల్ని ఎక్కువకాలం నిల్వ చేసే ఆహార సంరక్షణకారి (foodpreservator) గా ఉపయోగపడుతుంది అని పరిశోధకులు సూచిస్తున్నారు.

గుండె ఆరోగ్యవిషయానికి సంబంధించి జీలకర్ర చాలా ప్రయోజనాల్ని కలిగి ఉంది. మొదట, ఇది రక్తపోటును తగ్గిస్తుందని  వైద్యులు పేర్కొన్నారు. రెండవది, ఇది ఒక అద్భుతమైన రక్తంలో కొవ్వును తగ్గించే హైపోలియోపిడెమిక్ ఏజెంట్. చివరగా, అధ్యయనాలు జీలకర్రను ఒక శక్తివంతమైన అనామ్లజని  (ప్రతిక్షకారిని) అని సూచిస్తాయి. జీలకర్ర యొక్క ఈ మూడు లక్షణాలు గుండె జబ్బులు మరియు గుండెపోటు వంటి గుండె వ్యాధుల ప్రమాదాన్ని తగ్గించడమే కాక శరీరంలో ఒత్తిడి మరియు జీవనశైలి సమస్యల యొక్క ప్రతికూల ప్రభావాలను కూడా తగ్గిస్తుంది, తద్వారా గుండెను ఆరోగ్యంగా ఉంచుతుంది.

(మరింత సమాచారం: గుండె జబ్బుల నివారణ)

సాంప్రదాయ వైద్య వ్యవస్థ జీరకర్రను అధిక రక్తపోటుకి ముందుగా ఉపయోగిస్తుంది 

ఇన్ వివో అధ్యయనాలు జీలకర్ర సిస్టోలిక్ రక్తపోటును తగ్గిస్తుందని చెప్తున్నాయి. కానీ క్లినికల్ అధ్యయనాలు ఇప్పటివరకు ఏమి జరగలేదు.కాబట్టి జీలకర్రను ముందుగా ఉపయోగించే ముందు వైద్య సలహా అవసరం.

పలు సామాన్య వ్యాధికారక సూక్ష్మవిషజీవుల సంహారిణిగా మరియు ఆహార పదార్థాల్ని నాశనం  చేసే బ్యాక్టీరియాలను చంపడంలో జీలకర్ర మరియు జీలకర్ర పదార్ధాల సామర్ధ్యాన్ని పరీక్షించడానికి అనేక అధ్యయనాలు నిర్వహించబడ్డాయి. అన్ని ప్రయోగశాల-ఆధారిత అధ్యయనాలు జీలకర్రను  ఒక అద్భుతమైన సూక్ష్మవిషజీవుల సంహారిణి (యాంటీమైక్రోబయాల్) అని పేర్కొన్నాయి.

ఈ అధ్యయనాల్లోని ఒకదానిలో, జీలకర్ర “ఎసర్చీచియా కోలి” మరియు “స్టాఫిలోకాకస్ ఆరియస్ల”ను చంపడంలో చాలా ప్రభావవంతమైనది అని కనుగొనబడింది. జీలకర్ర యొక్క ముఖ్యమైన నూనె “ఆస్పర్గిల్లస్” వంటి చాలా ఆహారపు శిలీంధ్రాలకు వ్యతిరేకంగా పనిచేస్తుందని మరొక పరిశోధన పేర్కొంది. అందువల్ల, జిలకరను భవిష్యత్తులో ఒక సహజ ఆహార సంరక్షిణిగ ఉపయోగించే అవకాశం ఉందని అంచనా వేస్తున్నారు.

“వరల్డ్ జర్నల్ ఆఫ్ మైక్రోబయోలజీ అండ్ బయోటెక్నాలజీ”లో ప్రచురింపైబడిన ఒక అధ్యయనం ప్రకారం, జీలకర్రకు సాక్రొరొమైసెస్ మరియు కాండిడా వంటి సామాన్య శిలింద్రాలకు వ్యతిరేకంగా సూక్ష్మవిషక్రిమినాశినిగా (యాంటీమైక్రోబయాల్) పని చేసే శక్తి కలిగి ఉంది. ఏమైనప్పటికీ, జీలకర్ర యొక్క ప్రయోజనాలు లేదా దుష్ప్రభావాలను నిర్ధారించడానికి దీనిపై నిర్వహిస్తున్న వైద్య అధ్యయనాలు (క్లినికల్ ట్రయల్స్) ఇప్పటికీ పెండింగులో ఉన్నాయి. కాబట్టి, యాంటీమైక్రోబయాల్ కంటెంట్ మరియు జీలకర్ర చర్యను అర్థం చేసుకునేందుకు మీ ఆయుర్వేద డాక్టర్తో మాట్లాడటం మంచిది.

ప్రయోగశాల-ఆధారిత అధ్యయనాలు చెప్పేదేమిటంటే జీలకర్ర అనేది ఓ సంభావ్య ప్రతిస్కందకం అంటే రక్తం గడ్డకట్టడాన్ని నిరోధిస్తుంది. జీలకర్ర యొక్క ఈథర్ పదార్ధాలు శరీరంలోని ప్లేట్లెట్స్ యొక్క గుమిగూడడాన్ని (అగ్రిగేషన్ను) సమర్థవంతంగా నిరోధిస్తాయి అని అధ్యయనాలు సూచిస్తున్నాయి.

అయినప్పటికీ, పైన తెలిపిన జీలకర్రకు సాధ్యమయ్యే యంత్రాంగానికి సంబంధించిన ఎటువంటి అధ్యయన ప్రయోగం మనుషుల పైన ఇంకా నిర్వహించబడలేదు. కాబట్టి జీలకర్ర యొక్క దుష్ప్రభావాలు మరియు జీలకర్ర మోతాదును ప్రతిస్కంధకంగా పరిగణించటానికి ఇంకా మనుషులపైన ఎటువంటి అధ్యయనాలు చేయబడా లేదు. అందువల్ల, జీలకర్ర యొక్క రక్తాన్ని పలుచబరచగలిగే గుణం గురించి మరింత తెలుసుకోవడానికి మీ డాక్టర్ ని సంప్రదించడం  ఉత్తమం.

ఇటీవలి ఓ ప్రయోగశాల అధ్యయనం జీలకర్ర విత్తనాల యొక్క నొప్పి-నిరోధక ప్రభావాలను సూచిస్తోంది. జీలకర్ర నిరోధక-ప్రతిక్షేపణ ప్రభావాలను మధ్యవర్తిత్వం చేయడానికి ఒక నిర్దిష్ట ప్రతిరక్షక అణువు యొక్క చర్యను నిరోధిస్తుందని ఈ అధ్యయనం సూచించింది.

జీలకర్రలో ఉండే సహజమైన రసాయన పదార్థం అయిన “క్యూమెనల్డిహైడ్”, ఈ మసాలా దినుసు (జీలకర్ర) యొక్క నొప్పి-నివారక గుణాలకు కారణమవుతుందని ఈ అధ్యయనం విశ్వసిస్తోంది.  అయితే, ఈ విషయమై వైద్య అధ్యయనాలు (క్లినికల్ స్టడీస్) లేకపోవటంతో, ఆరోగ్యానికి అనుబంధంగా జీలకర్రను తీసుకోవడానికి ముందు ఆయుర్వేద డాక్టర్తో సంప్రదించి తనిఖీ చేయించుకోవడం మంచిది.

పేగుళ్లో మంట లక్షణం సాధారణమైన ఉదార సమస్య, ఇది కడుపుబ్బరం, కడుపు నొప్పి, మలబద్ధకం మరియు అతిసారం వంటి లక్షణాల ద్వారా గుర్తించబడుతుంది. ఈ పేగుల్లో మంట (ఐబిఎస్) సమస్యకు ప్రస్తుత శ్రేణి చికిత్సలో ఆహార మార్పు లేదా జీవనశైలిలో మార్పులు ఉన్నాయి.

అయినప్పటికీ, ఈ సమస్యకు ఆధునిక ఔషధం మరింత మొక్క-ఆధారిత చికిత్సల వైపు వేగంగా దృష్టి సారిస్తోంది. ఈ ధోరణిలో, వివిధ రకాల పేగుళ్లో మంట  (ఐబిఎస్) లక్షణాలను ఉపశమనం చేయడంలో జీలకర్ర సామర్థ్యాన్ని పరీక్షించడానికి ఒక చిన్న-స్థాయి వైద్య అధ్యయనం జరిగింది. ఆ వైద్య అధ్యయనంలో 55 మంది ఐబియస్ (IBS) రోగులకు రోజుకు 20 చుక్కల జీలకర్ర నూనెను ఒక రోజు మోతాదుగా ఇచ్చారు.  అన్ని లక్షణాలు, మార్పులు లేదా మెరుగుదలను ఈ అధ్యయనంలో గుర్తించారు.

4 వారాల తరువాత, కడుపు నొప్పి యొక్క లక్షణాలలో గణనీయమైన తగ్గింపును గమనించారు. విరేచనాలు, మరియు ఉబ్బరం కూడా తగ్గిపోయాయి. అయినప్పటికీ, మీరు పేగు-సంబంధ మంట (ఐబిఎస్తో) తో బాధపడుతున్నట్లయితే, మీరు ఏ రూపంలోనైనా జీలకర్రను ముందుగా తీసుకోవడానికి ముందు మీ ఆయుర్వేద వైద్యుడితో సంప్రదించి వైద్యతనిఖీ చేయించుకోవడం మంచిది.

ఇటీవలి ఓ వైద్య అధ్యయనంలో, ఒక చక్కెరవ్యాధి రోగుల బృందానికి 8 వారాలపాటు రోజుకు ఒకసారి జీలకర్ర క్యాప్సూల్ లేదా ప్లేస్బో మోతాదు ఇవ్వబడింది. 8 వారాల ముగింపు సమయానికి,  జీలకర్రను పొందిన బృందం వారి రక్తంలో ఇన్సులిన్ స్థాయిలలో గణనీయమైన తగ్గింపును చూపించింది. అంతేకాకుండా, చక్కెరవ్యాధికి సంబంధించిన ఇతర అంశాలలో మరియు సంక్లిష్టతల్లో గణనీయమైన మెరుగుదల చూపాయని కూడా గుర్తించబడింది.

మరొక వైద్య అధ్యయనంలో, జీలకర్ర యొక్క ముఖ్యమైన నూనె యొక్క హైపోగ్లైసీమిక్ (రక్తంలో చక్కెరను తగ్గించేది) ప్రభావాలు విటమిన్ E. కంటే చాలా ప్రభావవంతమైనవిగా (ముఖ్యమైనవిగా) గుర్తించబడ్డాయి. అదనంగా, జీలకర్ర యొక్క ‘ముఖ్యమైన నూనె’ అనేది ఓ శక్తివంతమైన శోథ నిరోధకత గుణం కల్గి ఇది వాపును నొప్పిని తగ్గిస్తుందని అధ్యయనకారు సూచించారు.

అయితే, ఆరోగ్యానికి అనుబందాహారంగా జీలకర్రను తీసుకోవడానికి ముందు మీరు మీ డాక్టర్తో మాట్లాడాలని మీకు సిఫార్సు చేయదమైంది.

(మరింత సమాచారం: చెక్కెర వ్యాధి చికిత్స)

కొలెస్ట్రాల్ మన శరీరంలో సహజంగా కనిపించే ఓ కొవ్వు రకం. ఇది మన శరీరంలోని ముఖ్యమైన భాగాల్లో ఒకటి మరియు కడుపులో ఆహారం యొక్క సరైన జీర్ణక్రియతో సహా పలు జీవక్రియల కోసం కొవ్వు (లేక కొలెస్ట్రాల్) అవసరమవుతుంది.

అయినప్పటికీ, కొలెస్ట్రాల్ స్థాయిలలో అసమతుల్యత కారణంగా “అథెరోస్క్లెరోసిస్ (కొవ్వు నిక్షేపణ వలన ధమనుల సంకుచితం) వంటి సమస్యాకర పరిస్థితులకు దారితీస్తుంది, తద్వారా గుండెపోటుల వంటి ప్రమాదాన్ని పెంచుతుంది. వైద్యుల ప్రకారం, అధిక కొలెస్ట్రాల్ సమస్యకు పరిష్కారం ఆరోగ్యకరమైన ఆహారం సేవించడం మరియు జీవనశైలిలో మార్పులు చేసుకోవడం. కొవ్వును సమర్థంగా కరిగించగల ఆహారాలను నిత్యాహారంతో పాటు అనుబంధంగా తీసుకోవటం వల్ల  కూడా అధిక కొలెస్ట్రాల్ సమస్య నుండి బయటపడేందుకు సహాయపడుతుంది.

ఫైటోథెరపీలో ప్రచురించబడిన ఒక సమీక్ష కథనం ప్రకారం, జీలకర్ర ఒక అద్భుతమైన హైపోలియోపిడెమిక్ (రక్త కొలెస్ట్రాల్ ను తగ్గించేది) అని కనీసం 6 వైద్య అధ్యయనాలు ధ్రువపర్చాయి. అంతేకాకుండా, జీలకర్ర యొక్క సాధారణ వినియోగం ఒక నిర్దిష్ట రకమైన శరీర కొవ్వు (ట్రైగ్లిజెరైడ్స్ కాని కొవ్వు రకం)ను మొత్తంను తగ్గిస్తుందని సూచించారు.

అంతేకాక, కొన్ని బరువు క్షీణత అధ్యయనాల్లో తెలింసిందేమంటే జీలకర్ర సేవనం వల్ల తక్కువ-సాంద్రత కొలెస్ట్రాల్ స్థాయిలలో గణనీయమైన తగ్గింపు సాధ్యమైందని. అందువల్ల, జీలకర్రకు ఓ బరువు కుదింపు (హైపోలియోపిడెమిక్) ఏజెంట్ గా మంచి భవిత  ఉందని సురక్షితంగా చెప్పవచ్చు.

ప్రపంచ ఆరోగ్య సంస్థ (WHO) ప్రకారం, ఊబకాయం శరీరంలో గణనీయంగా అధిక కొవ్వు స్థాయిలు గుర్తించబడ్డాయి.

ఎక్కువగా కేలరీలను సేవించడం మరియు వాటిని అరిగించుకోవడంలో (burning of calories) కలిగే అసమతుల్యత కారణంగానే ఊబకాయం వస్తుంది. ఊబకాయం అనేది నేడు ప్రపంచంలోని ప్రధాన సమస్యల్లో ఒకటిగా మారింది. అధిక బరువు ఉండటం కేవలం శారీరకంగానే ఓ సవాలు కాదు, ఇది  మధుమేహం, రక్తపోటు మరియు కాలేయ సమస్యలు వంటి వ్యాధుల ప్రమాదాన్ని పెంచుతుందని కూడా నివేదించబడింది. అదృష్టవశాత్తూ, ఒక వ్యాధిగా ఊబకాయం అనేది పూర్తిగా మానదగ్గదిగా ఉంది.

ఇటీవలి అధ్యయనాలు జీలకర్రను ఒక శక్తివంతమైన బరువు తగ్గించే ఏజెంట్ గా పేర్కొంటున్నాయి.  ఓ యాదృచ్ఛిక అధ్యయనంలో 72 మంది ఊబకాయులకు రెండు వేర్వేరు మోతాదుల్లో జీలకర్ర మరియు సున్నం క్యాప్సూల్స్ (లేదా ప్లేస్బో) (ఎటువంటి విధంగానూ ఆరోగ్యానికి హాని చేయని పదార్ధం) రోజుకు రెండు సార్లు లెక్కన ఎనిమిది వారాల పాటు ఇవ్వబడింది. ఈ అధ్యయనం ముగిసిన నియమిత కాలానికి అధిక జీలకర్ర-సున్నం గుళికలను సేవించిన బృందం మొత్తం శరీర బరువులో గణనీయమైన తగ్గింపు చూపించిందని గమనించబడింది.

మరొక వైద్య అధ్యయనంలో, 88 మంది అధిక బరువు గల వ్యక్తుల బృందం 3 గ్రాముల జీలకర్రను   రోజుకు రెండు సార్ల చొప్పున 3 మాసాలపాటు సేవింపజేసి నిర్వహించారు. జీలకర్ర తీసుకున్నవారిలో గణనీయమైన బరువు తగ్గడం గమనించబడింది.

అందువల్ల, జీలకర్రను ఓ సురక్షితమైన మరియు సమర్థవంతమైన బరువును తగ్గించే ఏజెంట్ అని చెప్పవచ్చు. మీ శరీర తత్వాన్ని జీలకర్ర మందు యొక్క సరైన మోతాదు కోసం మీ వైద్యుడిని అడగటం మంచిది.

(మరింత సమాచారం: ఊబకాయం లక్షణాలు)